Aefeso 2:11 - ÎVUKU RÎA ÛVORO MWARO

¹¹ Mue mûtiaciarwa mûrî Ayahudi. Mue nîmue andû arîa Ayahudi metaga “andû matarî aruu.” (Kûrua kwao nî kwa mîîrî). Taririkanani ûrîa mwatûûraga vîndî ya tene.

Aefeso 2:11 ပူးပေါင်းရင်းမြစ်များ

Ezek 20:43

Mûrî kûu nîmûkaaririkana mîthiîre îrîa mwarî nayo na maûndû monthe macûku marîa mwekire na mamûgwatirie mûgiro. Nîmûkethûûra nîûndû wa maûndû mau monthe macûku mwekire.

Ezek 36:31

Nîûgaacoka kûririkana mîthiîre yaku mîcûku na mîtugo yaku îrîa îtaarî mîaro, na nîûkaaîmena nîûndû wa mevia maku na maûndû macûku marîa wekire.

Mathaayo 20:7

Nao nîmaamûcokerie atîrî, ‘Gûtirî mûndû ûtûveere wîra.’ Nake nîwamerire atîrî, ‘Wa namue thiîni mûkarute wîra mûgûndarî wakwa.’

Aroma 11:17

Mvûa imwe cia mûtî wa mûtamaiyû nî ngavûrange, na ruo rûvûa rwa mûtî wa mûtamaiyû wa kîthaka rûgaciarithanua na guo. Mue andû a Ndûrîrî mwîkariî ta mûtamaiyû ûcio wa kîthaka. Nîmûtethekaga nî kîrîa kiumaga kûrî Ayahudi na njîra ta îrîa rûvûa rwa mûtamaiyû wa kîthaka rûtethekaga rwaciarithanua na mûtamaiyû ûrîa wa mûgûndarî.

Aroma 2:26

Ethîrwa mûndû wa ndûrîrî ûrîa ûtarî mûruu nîwathîkagîra watho, na kinthî ke ndagaatucagwa ta arî mûruu?

Aroma 2:27

Kwoguo andû a Ndûrîrî arîa matarî aruu mwîrî nwatî nîmathîkagîra watho, nîmakaamûtuîra ciira mue Ayahudi arîa mûrî na watho mwandîke na nîmûruaga nwatî mûtiathîkagîra watho ûcio.

1Akor 12:2

Mue nîmwîcî ûrîa mwatûûraga vîndî îrîa mûtaarî atuîku etîkia. Nîmwavîtithagua na njîra nyîngî nîguo atî mûgoocage mîvuanano îtarî mwoyo.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

Agal 2:15

Nama tue tûrî Ayahudi, na tûtirî andû a ndûrîrî arîa evia.

Agal 6:12

Andû arîa mageragia kûmûringîrîria mûrue, nî arîa mendaga gwîcaara ûvororî wîgiî maûndû mao ma mwîrî. Mekaga ûguo tu nîguo matikaanyarirwe nîûndû wa kûrûmîrîra mûtharava wa Kristû.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 16:12

Athîkagîrani maathani mama na kinyi na mûririkanage atî vîndî îmwe mwatûûraga Misiri mûrî ngombo.

Gûco 5:15

Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Akol 1:21

Vîndî îmwe mwarî kûraca na Ngai na mwarî nthû ciake, nîûndû mwethagîrwa mûrî na meciria macûku na mwekaga maûndû macûku.

Akol 2:11

Nîûndû wa kwîthîrwa mûrî ndaarî ya Kristû, nîmwarwithirue. Mûtiarwithua na njara cia andû, nwatî nî îrua rîrîa rîathondekirwe nî Kristû rîrîa rîatûtethûrire kuuma kûrî maavinya ma mîîrî yetû îrîa îvagia.

Akol 2:13

Vîndî îmwe mwarî akuû kîîroho nîûndû mwarî evia na mwarî andû a Ndûrîrî arîa matarî watho. Nwatî rîu Ngai nîarîkîtie kûmûva mwoyo vamwe na Kristû, na agatwovera mevia metû monthe.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.