Aefeso 1:5 - ÎVUKU RÎA ÛVORO MWARO

⁵ Ngai nîwatuîte wa mbere atî nîagaatûtua ciana ciake na njîra ya Jesû Kristû. Ûcio nîguo warî mworoto wa wendi wake.

Aefeso 1:5 ပူးပေါင်းရင်းမြစ်များ

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

Jeremia 3:4

Kinthî ndwarîkia kûmbîta wauga atî: “We nîwe vava wamendire kuuma nîrî mwana.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Mathaayo 1:25

Nwatî Josefu ndaamenyana kîîmwîrî na Mariamu wa na mbere ya Jesû aciarwe. Nake Josefu nîwatuîrîre mwana ûcio rîîtwa akîmwîta Jesû.

Mathaayo 11:26

Îni Vava! Ûguo nîguo wendete gûtuîkîke.

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

Luka 11:32

Mûthenya wa îtuîro wakinya, andû a îtûûra rîa Nineve nîmakaarûngama na mathitange andû a rûciaro rûrû nîûndû nîmeeririre vîndî îrîa Jona aamavunjîrie. Nwatî rîu nîramwîra nama atî, ava varî na mûndû mûnene gûkîra Jona.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Johana 1:12

Nwatî andû onthe arîa maamwamûkîre na makîmwîtîkia, nîwametîkîrie gûtuîka ciana cia Ngai.

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Aroma 8:23

Nwatî twa ciûmbe cionga tu icaaga, wana tue ene arîa tûrî na Roho ûrî ta kîveo Kîam mbere Kîam iveo cia Ngai nîtûcayaga na kûu ndaarî yetû wa tûgîetagîrîra Ngai atûtue ciana ciake na atûkûûre viû kuuma ûkomborî.

1Akor 1:1

Nie Paûlo, ûrîa wetirwe atuîke mûtûmwa wa Jesû Kristû na njîra ya wendi wa Ngai tûrî na Sosithene mûrû wa îthe wetû,

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

2Akor 6:18

Nie nîngaatuîka îthe wenyu, namue nîmûgaatuîka ariû na aarî akwa, ûguo nîguo Mwathani mwene vinya wonthe augîte.”

Agal 3:26

Muonthe mûrî ciana cia Ngai nîûndû wa kwîthîrwa mûrî ûrûmwe na Kristû na njîra ya wîtîkio.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:9

nîwatûmenyithirie nthitho ya wendi wake. Ûguo nîguo eendete na nîguo aavangîte nîagwîka na njîra ya Kristû.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Akol 1:19

Nîûndû Ngai nîwonire kûrî kwagîrîru Mûriû ethîrwe ekariî take viû.

2Ath 1:11

Kîu nîkîo gîtûmaga tûmûvoere vingo cionthe. Nîtûvoyaga Ngai wetû nîguo amûtue agîrîru kûringana na ûrîa amwîtîte mûtûûre. Na njîra ya vinya wake, ke aratûma mûvingie maûndû monthe maro marîa mwîriragîria na mûvingie wîra wonthe ûrîa umanîte na wîtîkio wenyu.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.

Kûguû 21:7

Mûndû wa wonthe ûkavootana nîakaamûkîra maûndû mama kuuma kûrî nie. Nie nîngaatuîka Ngai wake, nake atuîke mwana wakwa.