Aefeso 1:4 - ÎVUKU RÎA ÛVORO MWARO

⁴ Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 1:4 ပူးပေါင်းရင်းမြစ်များ

2Sam 22:24

Nîmbîthîrîtwe ndarî na ûcuke mbere yake, na ngerigîrîria gwîka maûndû macûku.

Thaburi 135:4

Ngai-Mûnene nîathuurîte Jakovu atuîke wake, nîathuurîte andû a Isiraeli matuîke ake kîûmbe.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Alawi 19:2

“Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Alawi 20:7

Kwoguo îkaragani mûrî atheru, nîûndû Nie nînie Ngai-Mûnene, Ngai wenyu.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 15:18

Ûguo nîguo Mwathani augîte. Ke nîke watûmire maûndû mau mamenyeke kuuma tene.’

Ciîko 18:10

Nie nîrî vamwe nawe, na gûtirî mûndû wana ûmwe ûgûkûtharîkîra agwîke naaî, nîûndû andû eengî îtûûrarî rîîrî nî akwa.”

Aroma 8:33

Nû ûngîona ûndû wa kûthitanga andû arîa Ngai athuurîte? Ngai ke mwene nîamatucaga athingu.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Aefeso 4:2

Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

Akol 2:2

Mbîkaga ûguo nîguo andû acio magîe na ûmîrîru na magwatanue vamwe nî wendani na magîe na ûtonga wa gûtaûkîrwa nî ûmenyo wa nthitho ya Ngai viû, îrîa arî yo Kristû ke mwene.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

1Ath 3:12

Mwathani arotûma wendani gatagatîrî kenyu wongerereke, na mwendage andû onthe ta ûrîa tûmwendete.

1Ath 4:7

Ngai aatwîtire tûtûûre tûrî atheru, nwatî tî tûtûûre tûkîvagia.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.

1Pet 1:20

Kristû aathuurirwe nî Ngai mbere ya nthî kûmbwa, nwatî rîu mîthenyarî îno ya kûrigîrîria nîaguûrîtue nîûndû wenyu.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

1Joh 4:16

Kwoguo tue nîtwîcî na nîtwîtîkîtie wendo ûrîa Ngai atwendete naguo. Ngai nî wendo na mûndû wa wonthe wîkaraga endanîte, ekaraga ndarî ya Ngai nake Ngai ekaraga ndaarî yake.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.