Aefeso 1:14 - ÎVUKU RÎA ÛVORO MWARO

¹⁴ Roho nîke ûtûmenyithagia na ma atî nîtûkaagîa na kîrîa Ngai eerîre andû ake. Ke nîatwonagia na ma atî Ngai nîakaavecana wîyathi mwîganu kûrî arîa ake. Tigani tûkumie riiri wake!

Aefeso 1:14 ပူးပေါင်းရင်းမြစ်များ

Thaburi 74:2

Ririkana andû arîa wathuurire magîtuîka aku kuuma tene, arîa wakûûrire kuuma ûkomborî matuîke mûvîrîga waku kîûmbe. Ririkana Kîrîma gîa Zayuni, kûrîa watûûraga.

Thaburi 78:54

Nîwamavirire vûrûrirî mûtheru, kîrîmarî kîrîa aatavîte na vinya wake.

Luka 21:28

Vîndî îrîa maûndû mama makaambîrîria gwîkîka, mûkaarûngama na mûkîrîrie ciongo cienyu na îgûrû, nîûndû ûvonokio wenyu ûkeethîrwa ûrî vakuvî.”

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Ciîko 20:32

“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.

Aroma 8:23

Nwatî twa ciûmbe cionga tu icaaga, wana tue ene arîa tûrî na Roho ûrî ta kîveo Kîam mbere Kîam iveo cia Ngai nîtûcayaga na kûu ndaarî yetû wa tûgîetagîrîra Ngai atûtue ciana ciake na atûkûûre viû kuuma ûkomborî.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 1:22

Ke nîwekîrire rûûri rwake kûrî tue rwa kwonania atî tûrî ake, na nîwekîrire Roho wake ngororî cietû wa gûtwonia nama kîrîa kîonthe atwigîrîte.

2Akor 5:5

Ngai nîke ûtûvarîrîtie nîûndû wa ûgarûrûku ûyû. Nake nîatûvete Roho wake wa kwonania kîrîa atwigîrîte.

Agal 4:6

Na nîguo Ngai onanie atî tûrî ciana ciake, nîwatûmire Roho wa Mûriû wake ngororî cietû. Roho ûcio nîke ûtûmaga twîtane Vava.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:12

Tigani tue arîa twathuurirwe na twarî a mbere kwîrîgîrîra Kristû tûkumie riiri wa Ngai!

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.