Aefeso 1:11 - ÎVUKU RÎA ÛVORO MWARO

¹¹ Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:11 ပူးပေါင်းရင်းမြစ်များ

Ayubu 12:13

Nwatî ûûgî na vinya nî cia Ngai, naguo ûmenyo na kîrîra nî ciake.

Ayubu 33:29

Taroria, Ngai nîekaga mûndû maûndû mama monthe, nîamekaga maita meengî kûrî mûndû.

Thaburi 37:18

Ngai-Mûnene nîamenyagîrîra andû arîa mamwathîkagîra, na îgai rîao rîgaatûûra tene na tene.

Nthi 8:14

Nîrî ûtaaro na nîrî ûûgî mwîngî, nîrî ûtaûku na vinya.

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 28:29

Ûûgî ûyû wonthe umîte kûrî Ngai-Mûnene mwene vinya wonthe, mataaro make nî ma kûgegania, na ûûgî wake nî mwîngî mûno.

Isaia 5:19

Maugaga atîrî, “Tiga Ngai-Mûnene eke maûndû na îvenya, nîameke narua, nîguo tûmone. Tiga mîvango ya Ûrîa Mûtheru wa Isiraeli îvinge, nîguo tûmîmenye.”

Jeremia 23:18

“Nîûndû, nî ûrîkû gatagatîrî kao wanarûngama mbere ya Ngai-Mûnene, nîguo amenye na ataûkîrwe nî maûndû marîa augîte. Na nî ûrîkû wanarûmbûyania na kiugo gîake na agîkîanîrîra?

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Zakaria 6:13

Nîke ûkaamîtuma na nîakaavewa gîtîîo wata kîrîa kîvecagwa mûthamaki, na nîagekarîra gîtî Kîam ûthamaki athe andû ake. Vakuvî na gîtî gîake Kîam ûthamaki nîvakethîrwa na mûthînjîri-Ngai, na oîrî nîmagekaraga marî na thayû na wîgucano.’

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

Ciîko 20:32

“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

Aroma 11:34

Wata ûrîa mandîko matheru maugîte atîrî: “Nû wîcî meciria ma Mwathani? Nû ûngîvota kûmûtaara?

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Aroma 9:11

Kûthuurwa kwa mûriû ûmwe warî mworoto wa Ngai. Ke mwene nîke wendire kûmûthuura na tî ûndû wa ciîko ciake, aamûthuurire wana mbere ya maciarwa na mbere ya mamenya maûndû maro kana macûku.

Agal 3:18

Nîûndû ethîrwa Ngai avecanaga kîveo nîûndû wa kwathîkîra watho rî ke ndavecanaga kûringana na kîîranîro. Nwatî Ngai aaveere Iburahimu kîveo nîûndû wa kîîranîro.

Aefeso 1:14

Roho nîke ûtûmenyithagia na ma atî nîtûkaagîa na kîrîa Ngai eerîre andû ake. Ke nîatwonagia na ma atî Ngai nîakaavecana wîyathi mwîganu kûrî arîa ake. Tigani tûkumie riiri wake!

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 1:5

Ngai nîwatuîte wa mbere atî nîagaatûtua ciana ciake na njîra ya Jesû Kristû. Ûcio nîguo warî mworoto wa wendi wake.

Aefeso 1:8

ûrîa atûvete na njîra îtarî kîthimi! Ngai arî na ûûgî na ûmenyo wake,

Aefeso 1:9

nîwatûmenyithirie nthitho ya wendi wake. Ûguo nîguo eendete na nîguo aavangîte nîagwîka na njîra ya Kristû.

Aefeso 3:11

Ngai eekire ûguo kûringana na ûrîa aavangîte kuuma wa Kîammbîrîria na ke aavingirie mûvango ûcio wake na njîra ya Jesû Kristû Mwathani wetû.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.

Akol 1:12

Cokagîriani Îthe wenyu ngatho nîûndû nîamûvotithîtie gûtuîka agîrîru a kûgîa na îgai rîrîa aigîrîte andû ake ûthamakirî wa ûtheri.

Akol 3:24

Menyagani atî Mwathani nîke ûkaamûva îgai rîrîa aigîrîte andû ake kîrî kîveo, nîûndû Kristû nîke Mwathani wa ma ûrîa mue mûtungatagîra.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Tito 3:7

nîguo tûtuwe athingu nî Ngai nîûndû wa wega wake na tûgîe na kîîrîgîrîro Kîam mwoyo wa tene na tene.

Ahib 6:17

Ngai nîwendire kwonia andû arîa makagaa ciîranîro ciake atî îtua rîake nî rîa ma. Kwoguo nîwevîtire atî ke nîakaavingia ciîranîro ciake.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 1:4

kwoguo nîtwetagîrîra kûgwata îgai rîrîa Ngai aigîrîte andû ake. Îgai rîrîa amwigîrîte îgûrû kûrîa rîtangîora, rîtangîgia na gîko na rîtangîthira.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.