3Joh 1:4 - ÎVUKU RÎA ÛVORO MWARO

⁴ Gûtirî ûndû wîngî ûngenagia tiga kwîgua atî ciana ciakwa nîitûûraga ûvororî wa ma.

3Joh 1:4 ပူးပေါင်းရင်းမြစ်များ

1Atha 2:4

Ngai-Mûnene akaavingia kîîranîro gîake kîrîa aambîrîîre atî njiarwa ciakwa nîikaatha Isiraeli ethîrwa nîikaavingia mawatho marîa nîmavete na methagîrwe marî evokeku kûrî nie na ngoro ciao cionthe na mîoyo yao yonthe.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

Nthi 23:24

Îthe wa mwana mûthingu nîakenaga mûno, mûciari arî na mwana mûûgî nîakenagua nîke.

Isaia 38:3

na akiuga atîrî, “Ûûi Ngai-Mûnene, nakûthaitha ûririkane ûrîa mbîthîrîtwe nîrî mwîvokeku kûrî we na ngoro yonthe, na ngîkaga maûndû marîa wonaga marî maro.” Na Hezekia nîwarîrire arî na ûrûrû mwîngî mûno.

Isaia 8:18

Nie vamwe na ciana irîa Ngai-Mûnene amvete nî kîonereria na rûûri kûrî andû a Isiraeli kuuma kûrî Ngai-Mûnene, mwene vinya wonthe ûrîa ûtûûraga Kîrîmarî gîa Zayuni.

2Akor 6:13

Nie nîraria rîu takwa mue mûrî ciana ciakwa. Vingûrani ngoro cienyu kûrî tue wata ûrîa tûvingûrîte cietû kûrî mue.

Agal 2:14

Rîrîa nonire atî andû acio tîarûngîrîru kûringana na ûma wa ûvoro mwaro, nînerire Petero andû onthe marî vo atîrî, “We wî Mûyahudi, nwatî wîthîrîtwe ûgîtûûra ta andû a Ndûrîrî na tî ta Mûyahudi. Nî atîa vi ûngîvota kûringîrîria andû a Ndûrîrî gûtûûra ta Ayahudi?”

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

1Ath 2:11

Nîmwîcî atî twekaga mûndû wa wonthe wata ûrîa îthe wa mûndû ekaga ciana ciake.

1Tim 1:2

nîrandîka maarûa îno kûrî we Timotheo mwana wakwa wa ma wîtîkiorî: ûrogîa na wega, ntha na thayû kuuma kûrî Ngai îthe na kûrî Mwathani wetû Jesû Kristû.

2Tim 1:2

Kûrî Timotheo mwana wakwa mendete. Wega, ntha na thayû kuuma kûrî Ngai îthe wetû, na Mwathani wetû Jesû Kristû irogîa nawe.

File 1:10

Kwoguo nîrakûthaitha îthenya rîa Onesimo mwana wakwa, nîûndû nîratuîkire îthe wake wa Kîîroho nîrî wa gûkû njera.

1Joh 2:1

Ciana ciakwa nîramwandîkîra maûndû mama nîguo mûtikevie. Nwatî mûndû angîvia, tûrî na Jesû Kristû na nî mûthingu. Ke nîke ûtûciragîrîra arî mbere ya îthe.

2Joh 1:4

Nie nînakenire mûno nona ciana imwe ciaku ikîrûmîrîra ûvoro wa ma wata ûrîa twathirwe nî Vava wetû.