2Tim 4:7 - ÎVUKU RÎA ÛVORO MWARO

⁷ Nîndûîte mbaara mbaro, nîndîkîtie îvenya na mbîthîrîtwe menyererete wîtîkio ûrîa nthomithagia.

2Tim 4:7 ပူးပေါင်းရင်းမြစ်များ

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Ndari 8:25

na akinyia mîaka mîrongo îtano, atigane na wîra anogoke.

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Johana 17:6

“Nîndûmîte ûmenyekane nî andû a gûkû nthî arîa wamvere. O maarî aku, nawe nîwamûvere o na makîathîkîra ciugo ciaku.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Ciîko 13:25

Na vîndî îrîa Johana aageerie kûrîkia ûtungatîri wake, nîwerire andû atîrî, Mue mûreciria nie nîrî û? Nie tî nie ûrîa mwetererete. Ke nîagûcoka gûka vuvarî. Na nie ndirî mwagîrîru wa kwovora iratû ciake.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Agal 2:2

Naathiîre kuo nîûndû Ngai nîwanguûrîrie atî nwanginya nthiî. Nînathiîre ndundu na atongoria a kanitha onga na ngîmava ûvoro mwaro ûrîa mvunjagia kûrî andû a ndûrîrî. Nekire ûguo nîguo wîra ûrîa naarutîte mbere na ûrîa ndutaga rîu ndûgatuîke wa mana.

Afil 1:30

Na rîu nwa mûnyitanîre nanie mbaararî. Mbaara îrîa mwonire ngîrûa mavinda marîa maavîtûkire nwa ta yo mûregua ngîrûa nginya rîu.

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 6:12

Rûa mbaara mbaro ya wîtîkio, nîguo ûgîe na mwoyo wa tene na tene ûrîa wetîrwe vîndî îrîa waumbûrire ûrîa wîtîkîtie Jesû Kristû ûrî mbere ya aira eengî.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

2Tim 1:14

Gitagîra ûvoro wa ma ûrîa wîvokeretwe ûvotithîtue nî Roho Mûtheru ûrîa ûtûûraga ndaarî yaku.

2Tim 3:10

Nwatî we nîûrûmîrîrîte maûndû marîa nthomithagia, mîtugo yakwa, mworoto wakwa, wîtîkio wakwa, gûkirîrîria gwakwa, wendo wakwa, wetereri wakwa na kûmîrîria gwakwa.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Kûguû 3:8

Nie nîmbîcî ciîko cienyu. Ta roriani, mbere yaku nîmbigîte mûrango ûrî mûvingûre na gûtirî mûndû ûngîvota kûûvinga. Nie nîmbîcî atî we ûrî na ûvoti mûnini, nwatî we nîûrûmîrîrîte kîthomo gîakwa na ûkethîrwa ûrî mwîvokeku kûrî nie.

Kûguû 6:11

Wa ûmwe nîwaverwe nguo cia rangi njerû. Nao nîmeerirwe mavurûke kavinda kengî kanini, nginya rîrîa andû arîa maatungataga vamwe nao wa na etîkia acio engî makaaûragwa wata ûrîa o maaûragirwe.

Atir 3:2

Eekire ûguo nîguo athomithie njiarwa cia Aisiraeli ûvoro wîgiî mbaara, na makîria njiarwa irîa itaarûîte mbererî.