2Tim 3:10 - ÎVUKU RÎA ÛVORO MWARO

¹⁰ Nwatî we nîûrûmîrîrîte maûndû marîa nthomithagia, mîtugo yakwa, mworoto wakwa, wîtîkio wakwa, gûkirîrîria gwakwa, wendo wakwa, wetereri wakwa na kûmîrîria gwakwa.

2Tim 3:10 ပူးပေါင်းရင်းမြစ်များ

Danieli 1:8

Nwatî Danieli nîwatuire atî ke ndangîîgwatia gîko na njîra ya kûrîa irio, kana kûnyua ndivei ya Mûthamaki. Kwoguo Danieli nîwaûririe Ashipenazi amwîtîkîrie ndakarîe irio icio nîguo ndakagwatwe nî gîko.

Luka 1:3

Kwoguo Theofilo, nie nîrona kwagîrîrîte ngwandîkîre na njîra mbaro mûtaratara wa ûrîa maûndû mau meekîkire, nîûndû nie nînaamarûmîrîre waro kuuma wa Kîammbîrîria Kîammo.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Ciîko 20:18

Rîrîa maathiîre kûrî ke, nîwamerire atîrî, “Mue ene nîmwîcî ûrîa nie natûûraga gatagatîrî kenyu mavinda monthe, kuuma mûthenya wa mbere ûrîa nakinyire gûkû vûrûrirî wa Asia.

Ciîko 26:4

“Ayahudi onthe nîmaicî ûvoro wîgiî ûtûûro wonthe wakwa. Nîmaicî ûrîa naatûûraga kuuma wa Kîammbîrîria nîrî vûrûrirî wa gwetû na nîrî gûkû Jerusalemu.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

2Akor 1:17

Nie ngîvanga mûvango nîkwa nonekaga ta nîngîgarûrûka? Vîndî îrîa ngûthondeka mîvango yakwa, nîkwa nîmîthondekaga nîrî na meciria ma ûmûndû nîvarîrîtie kuga “Ii,” na “naarî” vîndî wa îo?

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Afil 2:20

Timotheo nwake tu twîthagîrwa tûnyitanîrîte nake kîîmeciria, na nwake wenga ûmwîciragia.

Afil 2:22

Mue nîmwîcî ûrîa Timotheo onanîtie atî ke nî mwagîrîru, nîûndû twîthîrîtwe tûkîrutithania wîra nake wa kûvunjia ûvoro Mwaro. Twîthîrîtwe tûkîrutithania wîra ûcio ta Mûriû na îthe.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

1Tim 1:3

Nîrenda wîkare Efeso wata ûrîa nakûthaithire rîrîa nathiîte Makedonia. Andû amwe kûu Efeso nîmarathomithania maûndû matarî ma ma, na nwanginya ûmakaanie matige gwîka ûguo.

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.

2Tim 4:7

Nîndûîte mbaara mbaro, nîndîkîtie îvenya na mbîthîrîtwe menyererete wîtîkio ûrîa nthomithagia.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,