2Tim 2:26 - ÎVUKU RÎA ÛVORO MWARO

²⁶ Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

2Tim 2:26 ပူးပေါင်းရင်းမြစ်များ

Ayubu 1:12

Ngai-Mûnene nîwerire Caitani atîrî, “Ûrî na ûvoti wa gwîka wa ûrîa wonthe ûngîenda îgûrû rîa kîrîa kîonthe arî nakîo, nwatî ndûkavutie mwîrî wake.” Kwoguo Caitani nîwaumire varî Ngai-Mûnene na akîîthiîra.

Ayubu 2:6

Kwoguo Ngai-Mûnene nîwerire Caitani atîrî, “Taroria Ayubu arî njararî ciaku, nwa ûmwîke ûrîa wonthe ûkwenda nwatî ndûkamûrage.”

Thaburi 124:7

Tûrîte ta gîconi kiumîte mûtegorî wa mûtegi, mûtego nîmûviûkie, natue twavonoka.

Isaia 28:13

Kwoguo Ngai-Mûnene nîakaamathomithia watho, kiugo gwa kiugo, ava ûndû mûnini, vaarîa ûndû mûnini; nîguo makîthiî mavîngagwe makagwa na vuva, na nîmakaaunîkanga, mategwe na manyitwe.

Isaia 53:12

Kwoguo nîngaava ndungata yakwa gîtîîo ta Kîam anene, na magaane indo irîa itavîtwe na arîa marî vinya, nîûndû nîyevecanire îkue, na îgîtaranîrua na imaramari. Kûnarî ûguo, nîwakuuire mevia ma andû eengî, na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.

Isaia 8:15

Andû eengî nîmakaavîngwa; nîmakaagwa na maunîkange. Nîmakaanyitwa nî mûtego ûcio na mathiîwe nao.”

Luka 11:21

“Mûndû ûrî na vinya angîgitîra mûciî wake evotorete viû na indo cia mbaara, indo cionthe ciake ciîthagîrwa irî menyerere.

Luka 15:17

Na mûthiiarî, mwanake ûcio nîwakirire na agîîciria atîrî, ‘Andû onthe arîa marutaga wîra kwa vava marîcaga, makavaa na magatigaria, nwatî nie nîrakuîra gûkû nî yûra.

Luka 5:10

Nao Jakuvu na Johana; ariû a Zebedii, arîa maarutithanagia wîra na Simoni, nîmaamakire. Nwatî Jesû nîwerire Simoni atîrî, “We Petero, tiga kwîgua guoya, nîûndû kwambîrîria rîu ûgaategaga andû.”

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 13:27

Na vîndî wa îo Judasi aarîkia gwîcukia kînuku Kîam mûgate, nîwatonyirwe nî Caitani. Nake Jesû nîwerire Judasi atîrî, “Îka narua ûrîa ûrenda gwîka!”

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

2Akor 2:11

Nie nekire ûguo nîguo Caitani ndagatûvoote nîûndû nîtwîcî mîvango yake nî îrîkû.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Akol 1:13

Ngai nîke watûtethûrire agîtûruta maavinyarî ma nduma na agîtûkinyia ûthamakirî wa Mûriû wake mwende atûmenyererete.

1Tim 1:20

Gatagatîrî ka andû acio, varî na Hîmenayo na Alekisanda. Aya nîo mverithîtie na njîra ya kûmanenganîra kûrî Caitani nîguo mathome atî matiagîrîrwe nî kûruma Ngai.

1Tim 3:7

Agîrîrwe nî kwîthîrwa arî mûtîîe nî andû arîa matarî a kanitha, nîguo ndagaconorwe nîo na ndakagwe mûtegorî wa Ngoma.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.