2Tim 2:24 - ÎVUKU RÎA ÛVORO MWARO

²⁴ Ta ndungata ya Mwathani ndwagîrîrwe nî kwîthîrwa ûrî wa înegene, nwatî wagîrîrwe nî kwîthîrwa ûrî mûndû wa ntha kûrî andû onthe, ûrî mwarimû mwaro na mûkirîrîria.

2Tim 2:24 ပူးပေါင်းရင်းမြစ်များ

2Maû 24:6

Kwoguo mûthamaki nîwetire Jehoiada, mûnene wa athînjîri-Ngai na akîmûria atîrî, “Ûregete kwîra Alawi maûnganie gooti kuuma kûrî andû a Juda na Jerusalemu nîkî îrîa Musa ndungata ya Ngai-Mûnene aathanire îrutagwe nîûndû wa gûtuma îgema rîa Ngai-Mûnene?”

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Danieli 6:20

Rîrîa aakuvîvîrie îrima, nîwetire Danieli arî na kîeva kîngî mûno na akîmwîra atîrî, “Ûûi Danieli, ndungata ya Ngai ûrîa ûtûûra mwoyo! Ngai ûrîa ûtungatagîra wa mûthenya nîaravotire gûgûtethûra kûrî mînyambû?”

Mathaayo 12:19

Ndîgaakararania na andû kana îthiî îkiugagîrîria, wana kana îvecane ûvoro njîrarî yugîrîrîtie.

Johana 6:52

Nao andû nîmaarakarire mûno na makîambîrîria kûrania atîrî, “Mûndû ûyû angîtûva mwîrî wake atîa tûrîe?”

Ciîko 15:2

Nao Paûlo na Baranaba nîmaakararanirie mûno na andû acio, na îgûrû rîgiî ûvoro ûcio. Kwoguo nîgwatuîkire atî Paûlo na Baranaba na etîkia amwe a Antiokia, nwa nginya matûmwe Jerusalemu nîguo mathiî maranîrie na atûmwa na athuuri îgûrû rîa ûvoro ûcio.

Ciîko 23:9

Kwoguo nîkwagîre na înegene rînene. Nao arimû amwe a watho arîa maarî a gîkundi Kîam Afarisai nîmaarûngamire na makiuga meyûmîrîrîtie atîrî: “Tue tûtirona ûndû mûcûku wîkîtwe nî mûndû ûyû! Nwa kwîthîrwe roho kana mûraika nîke ûramwarîrie!”

Ciîko 7:26

Mûthenya ûcio warûmîrîrîte, Musa nîwonire Aisiraeli aîrî magîtetania. Nake akîgeria kûmeguithania nîwamerire atîrî, ‘Andû etû mûravîtania nîkî na mue mûrî a ng'ina ûmwe?’

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 10:4

Indo cia mbaara irîa tûtûmagîra mbaararî yetû tî cia gûkû nthî, nwatî nî vinya wa Ngai. Vinya ûcio nîguo tûtûmagîra gûcûkangia vinya wa nthû cietû na kûthiria ngarari.

2Akor 6:4

Vandû va ûguo, maûndûrî monthe marîa twîkaga twonanagia atî tûrî ndungata cia Ngai na njîra ya gûkirîrîria tûmîrîrîtie mathîna, morito na kûthînîka kwîngî.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 4:2

Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

Afil 2:14

Îkagani maûndû monthe mûtagûteta kana gûkararania.

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

Akol 3:13

Kiranagîrîriani na mûkovanîra vîndî îrîa mwavîtanîria. Nwanginya mwovanagîre wata ûrîa Mwathani wa nake aamwoverete.

1Ath 2:7

Wana ethîrwa nîtûngîekire ûguo na wathani wetû ta atûmwa a Kristû. Nwatî twekaranirie namue tûrî na ûvoreri wata ûrîa ng'ina wa ciana amenyagîrîra ciana ciake.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

Tito 1:1

Kuuma kûrî Paûlo ndungata ya Ngai na mûtûmwa wa Jesû Kristû. Nie naathuurirwe na ngîtûmwa ngatethererie andû arîa athuure nî Ngai ûvororî wa gwîtîkia na nîmamenyithie ûvoro wa ma, ûrîa ûthomithanîtue nî ndini yetû.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Tito 1:9

Agîrîrwe nî kwîthîrwa arî mûndû mwîkindîriu ûvororî ûrîa ûngîîvokwa, na wîtîkanîtie na ûvoro wama ûrîa tûthomithagia. Kwoguo, akaavotaga kûmîrîria andû arîa engî na ûvoro wa ma na akavotaga kwonania mavîtia ma andû arîa maûregaga.

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Jakuvu 1:1

Nie Jakuvu ndungata ya Ngai na ya Mwathani Jesû Kristû: Nînamûkethia mue muonthe andû a Ngai arîa mûnyagarûkîte nthî yonthe.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 4:2

Mue nîmwîriragîria indo, nwatî mûtigîcaga nacio, kwoguo nîmûraganaga. Mue nîmwîriragîria indo na vinya, nwatî mûtingîvota kûgîa nacio. Kwoguo nîmûtetanagia na mûkarûa. Mûtirî na kîrîa mwîriragîria nîûndû mûtiîtagia Ngai.

Josh 1:1

Vuva wa Musa ndungata ya Ngai-Mûnene gûkua, Ngai-Mûnene nîwerire Joshua mûvîcî wa Nuni, ûrîa watethagîrîria Musa

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.