2Tim 2:20 - ÎVUKU RÎA ÛVORO MWARO

²⁰ Nyombarî îrîa nene nîkwîthagîrwa kûrî na indo cia thaavu, na cia sîlûva, wana ciîngî cia mîtî na cia yûmba. Indo imwe cia icio îtûmagîrwa rîrîa kûrî na ûndû mûnene, nacio irîa ciîngî rîrîa gûtarî na ûndû mûnene.

2Tim 2:20 ပူးပေါင်းရင်းမြစ်များ

Ezira 1:6

Andû onthe arîa maariganîtie nao nîmaamavere ûtethio wa indo cia sîlûva na thaavu, na indo ciîngî nyîngî, na nyamû irîa irîthagua na indo cia goro, vamwe na indo cia matega cia hekarû.

Ezira 6:5

Nacio indo cia thaavu na cia sîlûva irîa mûthamaki Nebukadinezarû aarutire hekarûrî ya Jerusalemu akîireta gûkû Babuloni nîigaacokua na ikaaigwa varîa ciagîrîrwe nî kwîthîrwa kûu hekarûrî ya Jerusalemu.”

Ntha 27:3

Na ûkaarûtha nyûngû cia gwîkîra mûu ûrîa ûrî na mathuma, indo cia kûng'ara, mbakûri, mînyoge na rûgîo rwa mwaki. Indo icio cionthe irûthwe na gîcango.

Maca 4:2

Andû a Zayuni arîa maatîîtwe mûno, moonagwa marî aro ta thaavu îrîa ntherie, nwatî rîu mekariî ta nyûngû, wîra wa njara cia mûmbi.

Danieli 5:2

Wa akînyunyaga ndivei, nîwathanire avirîrwe ikombe na mbakûri cia thaavu na cia sîlûva irîa îthe Nebukadinezarû aarutîte Jerusalemu hekarûrî ya Ngai-Mûnene. Mûthamaki etirie indo icio nîguo ke, aka ake, aka ake a kwigwa manyue ndivei nacio.

Johana 8:49

Nake Jesû nîwamacokerie atîrî, “Nie ndirî na ngoma. Nie nîmvecaga Vava gîtîîo, nwatî mue mûtimvecaga gîtîîo.

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 4:7

Nwatî tûrî na mûthithû ûyû twîkariî ta nyûngû cia yûmba nîguo kwonanue atî vinya mûnene uumaga kûrî Ngai, nwatî tî kuuma kûrî tue.

Aefeso 2:22

Na mûrî na ûrûmwe na Kristû, wa namue nîmûratumwa vamwe na arîa engî onthe nîguo mûtuîke gîkaro Kîam Roho wa Ngai na njîra ya Roho.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.