2Tim 2:19 - ÎVUKU RÎA ÛVORO MWARO

¹⁹ Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

2Tim 2:19 ပူးပေါင်းရင်းမြစ်များ

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Thaburi 112:6

Mûndû ûrîa mûthingu ndakaavootwa; agaatûûra aririkanagwa tene na tene.

Thaburi 34:14

Ûragîra maûndû marîa macûku na wîkage maûndû marîa maro; caragia thayû na ngoro yonthe.

Thaburi 37:18

Ngai-Mûnene nîamenyagîrîra andû arîa mamwathîkagîra, na îgai rîao rîgaatûûra tene na tene.

Thaburi 97:10

Ngai-Mûnene nîendete andû arîa mathûrîte maûndû macûku, nîamenyagîrîra ûtûûro wa andû ake, nîamavonokagia kuuma kûrî andû arîa aganu.

Nthi 10:25

Rîrîa rûkûngi rûnene rwaûka rûthiragia andû arîa aganu, nwatî andû arîa athingu matûûraga mekindîrîtie tene na tene.

Nthi 3:7

Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku.

Isaia 14:32

Anjaama arîa makaauma vûrûrirî ûcio magaacokerua atîa? Makerwa atî, Ngai-Mûnene nîatumîte îtûûra rîa Zayuni, kûu nîkuo andû ake arîa marî na thîna maûragîra.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 63:19

Twîkariî ta andû matanathwa nîwe wanarî vanini, ta andû matanetanua na rîîtwa rîaku.

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Nahumu 1:7

Ngai-Mûnene nî mwaro, nîagitagîra andû ake vîndî ya thîna; nîagitagîra arîa onthe maûragîra kûrî ke.

Hagai 2:23

Mûthenya ûcio, nîngagwoca we Zerubabeli ndungata yakwa mûvîcî wa Shealitieli nîguo wathanage vandûrî vakwa, we nîwe nthurîte.” Ûguo nîguo Ngai-Mûnene mwene vinya wonthe arauga.

Zakaria 3:9

Taroria, îthiga rîrîa mbigîte mbere ya Joshua, îgûrû rîarîo varî na mothiû mûgwanja. Îgûrû rîa îthiga rîu nîngaacora mandîko vo na nîngathengutia waganu wa vûrûri ûyû na mûthenya ûmwe.

Ndari 16:5

Nîwacokire akîra Kora na arûmîrîri ake onthe atîrî, “Rûyû kîraûko Ngai-Mûnene nîagaatwonia mûndû ûrîa athuurîte atuîke wake. Mûndû ûcio nîke ûkaavotithagua nî Ngai-Mûnene kûthiî metharî yake.

Ndari 6:27

Ngai-Mûnene nîwaugire atîrî, “Mangîkaarathima andû a Isiraeli makîgwetaga rîîtwa rîakwa, nîngaamarathima.”

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Mathaayo 7:23

Nanie nîngaamera atîrî, ‘Nie ndiamwîcî. Nthengutîrani mue mwîkaga maûndû macûku!’

Mathaayo 7:25

Mbura nîyaurire; nyûnjî ikiuna na ngûngi ikîvurutana, na ikîringa nyomba îo na vinya mûno. Nwatî nyomba îo ndîagwa nîûndû yatumîtwe rûciararî.

Maariko 12:16

Nao nîmaamûnengere mbeca, na akîmaûria atîrî, “Mbica îno, na rîîtwa rîîrî nî cia û?” Nao nîmaamûcokerie atîrî, “Nî cia Mûthamaki wa Roma.”

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

Luka 13:27

Nake Mwathani nîakaamûcokeria rîngî atîrî, ‘Nie ndiîcî mumîte na kû. Nthengutîrani ava ndûrîka ino!’

Luka 6:48

Ekariî ta mûtumi wa nyomba ûrîa wambire kwînja mûcingi mûrikîru na akîûthondeka rûciararî. Vîndî îrîa rûnjî rwaunire manjî maruo nîmaaringire nyomba îo na vinya, nwatî matiaminainia nîûndû yarî ndume waro.

Johana 10:14

Nie nînie mûrîthi ûrîa mwaro. Nîmbîcî ng'ondu ciakwa nacio ng'ondu ciakwa nîimbîcî,

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 3:33

Nwatî mûndû wa wonthe wîtîkagîra ûira wake, nîatuîkaga mûira atî Ngai nî wa ma.

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 15:17

Kwoguo andû arîa engî onthe nîmakaanjaria wana andû a ndûrîrî onthe, arîa nie mbîtîte matuîke akwa.

Ciîko 9:14

Rîu ke nîarîkîtie gûka gûkû Damesiki. Nao anene a athînjîri-Ngai nîmamûvete wathani wa kûnyita mûndû wa wonthe ûrîa ûkûgoocaga.”

Aroma 11:2

Ngai tîmûregu andû ake arîa ke aathuurire kuuma wa Kîammbîrîria. Mue nîmwîcî ûrîa Mandîko Matheru maugîte gacunjîrî karîa kandîkîtwe ûvoro wîgiî Elija. Elija nîwathaithire Ngai na agîcuka andû a Isiraeli akiuga atîrî,

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Aroma 15:20

Vîndî cionthe mbîthîrîtwe ngîrirîria kûvunjia Ûvoro Mwaro kûrî andû arîa mataanegua ûvoro wîgiî Kristû, nîguo ndigatuîke ta mûndû ûtumaga îgûrû rîa mûcingi ûrîa wînjîtwe nî mûndû wîngî.

Aroma 15:9

Kristû ekire ûguo nîguo andû a Ndûrîrî makumie Ngai nîûndû wa ntha ciake. Mandîko Matheru maugîte atîrî, “Kwoguo nie ngaagûkumagia gatagatîrî ka andû a Ndûrîrî, nie ngaainaga ngîkumagia rîîtwa rîaku.”

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 9:11

Kûthuurwa kwa mûriû ûmwe warî mworoto wa Ngai. Ke mwene nîke wendire kûmûthuura na tî ûndû wa ciîko ciake, aamûthuurire wana mbere ya maciarwa na mbere ya mamenya maûndû maro kana macûku.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

1Akor 8:3

Nwatî Ngai nîwîcî mûndû wa wonthe ûmwendete.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 4:9

Nwatî rîu nîûndû nîmûmenyanîte na Ngai, kana mbuge Ngai nîamenyanîte na mue, nîkî kîratûma mûcokerere maroho marîa matarî vinya na matarî vata? Mûrenda gûtuîka ngombo cia maroho mau rîngî nîkî?

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

Aefeso 3:15

na nîûndû wake mîciî yonthe ya îgûrû na ya nthî îthagîrwa îrî kuo na ma.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

1Tim 6:19

Na njîra ta îno nîmakwîthîrwa meigîrîte mûthithû wao wî ta mûcingi wî na vinya wa vîndî îrîa îgaûka. Nao nîmagaacoka magîe na mûtûûrîre ûrîa wa ma.

Ahib 11:10

Iburahimu aatûûraga etererete îtûûra rînene rîrî na mûcingi wa gûtûûra rîtumîtwe nî Ngai.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 21:14

Rûthingo rwa îtûûra rîu înene rîa Jerusalemu rwatumîtwe îgûrû rîa mathiga îkûmi na maîrî ma mûcingi. Namo marîîtwa ma atûmwa îkûmi na aîrî a Gatûrûme nîmandîkîtwe mathigarî mau, wa rîîtwa îthigarî rîarîo.

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.

Kûguû 3:8

Nie nîmbîcî ciîko cienyu. Ta roriani, mbere yaku nîmbigîte mûrango ûrî mûvingûre na gûtirî mûndû ûngîvota kûûvinga. Nie nîmbîcî atî we ûrî na ûvoti mûnini, nwatî we nîûrûmîrîrîte kîthomo gîakwa na ûkethîrwa ûrî mwîvokeku kûrî nie.