2Sam 9:9 - ÎVUKU RÎA ÛVORO MWARO

⁹ Nake mûthamaki nîwetire Ziba, ndungata îo ya Saûlo na akîmîra atîrî, “Nînava Mefiboshethu mûvîcî wa Jonathani mwathi waku indo cionthe irîa ciarî cia Saûlo na cia mûciî wake.

2Sam 9:9 ပူးပေါင်းရင်းမြစ်များ

2Sam 16:3

Mûthamaki nîwaûririe Ziba atîrî, “Mefiboshethu mûvîcî wa mwathi waku arî kû?” Nake Ziba nîwamûcokerie atîrî, “Arî Jerusalemu, nîûndû nîetîkîtie, atî ûmûnthî Aisiraeli nîmakûmûcokeria ûthamaki wa îthe Saûlo.”

2Sam 16:4

Mûthamaki nîwacokire akîra Ziba atîrî, “Indo cionthe irîa iraarî cia Mefiboshethu rîu nî ciaku.” Nake Ziba nîwacokirie atîrî, “Nie nîrî ndungata yaku, tiga nduîke mwagîrîru mbere yaku, we mwathi wakwa!”

2Sam 19:29

Mûthamaki nîwacokerie Mefiboshethu atîrî, “Ndwagîrîrwe nî kwîyarîrîria rîngî. Nînduîte atî we mûrî na Ziba nî mûkûgaana indo cia Saûlo.”

2Sam 19:30

Nake Mefiboshethu nîwerire mûthamaki atîrî, “Tiga Ziba oce cionthe. Nîûndû mwathi wakwa, nie nîmbîganîrîte nî kwona atî nîwacoka mûciî ûrî na thayû.”

Isaia 32:8

Nwatî mûndû mûtîîku ekaga maûndû ma gîtîîo, na arûngamagîrîra ûma.

1Sam 9:1

Nakuo kwarî na mûndû mûrûme ûmwe gîtonga wetagwa Kishu wa kuuma mûvîrîgarî wa Benjamini Kishu aarî mûvîcî wa Abieli, nake Abieli aarî mûvîcî wa Zeroru. Kishu aarî wa mûciî wa Bekorathu, naguo mûciî ûcio warî gacunjî ka mûvîrîga wa Avia.