2Sam 8:17 - ÎVUKU RÎA ÛVORO MWARO

¹⁷ Zadoku mûvîcî wa Ahitubu, marî na Ahimeleku mûvîcî wa Abiatharu nîo maarî athînjîri-Ngai; nake Seraia nîke warî mwandîki.

2Sam 8:17 ပူးပေါင်းရင်းမြစ်များ

2Sam 15:24

Zadoku mûthînjîri-Ngai vamwe na Alawi onthe, nîmaarûmîrîre mûthamaki Daudi makuuîte îthandûkû rîa kîrîkanîro Kîam Ngai-Mûnene. Nîmaaigire îthandûkû rîu nthî na matiarîoca rîngî nginya rîrîa andû onthe maarîkirie kuuma îtûûrarî rîu. Wanake Abiatha mûthînjîri-Ngai aarî vo.

2Sam 17:15

Hushai nîwacokire akîra Zadoku na Abiatha athînjîri-Ngai, ûrîa wonthe aataarîte Abusalomu na atongoria a Isiraeli wana ûrîa wonthe Ahithofeli aamataarîte.

2Sam 19:12

Mue mûrî andû a nyomba yakwa, tûrî a mwîrî ûmwe namue viû; nîndûî kîratûma mûtuîke a mûthiia a kûnjokia mûciî?”

1Atha 1:26

Nwatî ndaambîta nie ndungata yaku, wana kana eta Zadoku, mûthînjîri-Ngai, kana Benaia, kana Solomoni.

2Atha 12:10

Rîrîa rîonthe mona, atî kûrî na mbeca nyîngî kathandûkûrî kau, karani wa mûthamaki marî na Mûthînjîri-Ngai mûnene nîmaathiîcaga magatara mbeca icio ciaumaga hekarûrî na magaciova magaciîkîra mîvukorî.

2Atha 18:18

Rîrîa maatûmanîre mûthamaki Hezekia, ndungata ciake ithatû nîcio ciathiîre kûrî o. Nacio ciarî: Eliakimu mûvîcî wa Hilikia, ûrîa wamenyagîrîra mûciî wa mûthamaki, Shebuna, mwandîki na Joa mûvîcî wa Asafu, ûrîa warî mûmenyereri wa mandîko.

1Maû 12:28

Zadoku aarî mûtongoria, mûndû mwîthî na njamba ya mbaara. Kuuma mûciî wao nîwathiîre na anene mîrongo îîrî na aîrî (22) a mbaara.

1Maû 12:29

Kuuma mûvîrîgarî wa Benjamini kwarî na athigari ngiri ithatû (3,000). Ûyû nîguo warî mûvîrîga wa mûthamaki Saûlo na andû eengî a mûvîrîga wa Benjamini maarî evokeku mûciîrî wa Saûlo.

1Maû 15:11

Daudi nîwacokire agîtûmanîra athînjîri-Ngai Zadoku na Abiatha, na Alawi atandatû: Urieli, Asaia, Joeli, Shemaia, Elieli, na Aminadabu.

1Maû 16:39

Daudi nîwatigire Zadoku mûthînjîri-Ngai na athînjîri-Ngai acio engî matungatagîre Ngai-Mûnene kûu Gibeoni varîa Ngai-Mûnene aagoocagîrwa.

1Maû 16:40

Mûthenya wa mûthenya nîmaarutaga matega ma kûvîvua, na kîraûko na kîvwaî nîmaavîvagîria matega mau metharî ya kîgongoona wata ûrîa kwandîkîtwe wathorî wa Ngai-Mûnene ûrîa aathire andû a Isiraeli.

1Maû 18:16

Zadoku mûvîcî wa Ahitubu na Ahimeleku mûvîcî wa Abiatha maarî athînjîri-Ngai, na Shavusha aarî karani wa gooti.

1Maû 6:4

Eleazaru aarî îthe wa Finehasi, Finehasi aarî îthe wa Abishua,

1Maû 6:53

Ahitubu aarî îthe wa Zadoku, Zadoku aarî îthe wa Ahimaazi.

1Maû 6:8

Ahitubu aarî îthe wa Zadoku, Zadoku aarî îthe wa Ahimaazi.

1Maû 9:11

Azaria mûvîcî wa Hilikia, Hilikia aarî mûvîcî wa Meshulamu, Meshulamu aarî mûvîcî wa Zadoku, Zadoku aarî mûvîcî wa Meraiothi, Meraiothi aarî mûvîcî wa Ahitubu, Ahitubu nîke warî mûnene wa hekarû.

Ezira 7:2

Hilikia aarî mûvîcî wa Shalumi, Shalumi aarî mûvîcî wa Zadoku, Zadoku aarî mûvîcî wa Ahitubu.

Jeremia 36:10

Baruku nîwathomere andû onthe ciugo cia Jeremia irîa ciandîkîtwe îvukuurî rîa gîkûnjo, arî nyombarî ya Ngai-Mûnene kanyombarî ka Gemaria mûvîcî wa Shafani ûrîa warî mwandîki. Kanyomba kau kaarî mwena wa îgûrû vakuvî na mwîrîga mûcerû wa nyomba ya Ngai-Mûnene.

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Maariko 2:26

Aatonyire nyombarî ya Ngai vîndî îrîa Abiatha aarî Mûthînjîri-Ngai mûnene, na akîrîa mîgate îrîa yarutîrîtwe Ngai na îtaagîrîrwe kûrîwa nî mûndû wîngî tiga athînjîri-Ngai onga. Daudi nîwamîrîre na akîva arîa engî maarî nake.”