2Sam 8:16 - ÎVUKU RÎA ÛVORO MWARO

¹⁶ Joabu, ûrîa ng'ina eetagwa Zeruia nîke warî mûnene wa athigari. Nake Jehoshafati mûvîcî wa Ahiludi nîke wamenyagîrîra mandîko.

2Sam 8:16 ပူးပေါင်းရင်းမြစ်များ

2Sam 18:2

Daudi nîwagaanirie athigari ake ikundi ithatû. Nîwathuurire Joabu nîguo atuîke mûnene wa gîkundi Kîam mbere, Abishai ûrîa warî mûrwang'ina na Joabu agîtuîka mûnene wa gîkundi gîa kaîrî, nake Îtai ûrîa waumîte Gathu agîtuîka mûnene wa gîkundi gîa kathatû. Mûthamaki Daudi nîwacokire akîra andû acio ake atîrî, “Wa nanie nîtûkûthiî namue.”

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 2:13

Nake Joabu, ûrîa ng'ina eetagwa Zeruia na ndungata icio ciîngî cia Daudi nîmaathiîre na magîtûngana na Ishiboshethu na andû ake vakuvî na karia ka Gibeoni, nao onthe magîkara nthî. Gîkundi kîmwe nîgîekarire nthî mwena ûmwe wa karia, nakîo gîkundi kîu kîngî gîgîkara mwena ûcio wîngî wa karia kau.

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

1Atha 4:3

Elihorefu na Ahija avîcî a Shisha nîo maarî andîki. Jehoshafati mûvîcî wa Ahiludi nîke wamenyagîrîra mandîko.

2Atha 18:18

Rîrîa maatûmanîre mûthamaki Hezekia, ndungata ciake ithatû nîcio ciathiîre kûrî o. Nacio ciarî: Eliakimu mûvîcî wa Hilikia, ûrîa wamenyagîrîra mûciî wa mûthamaki, Shebuna, mwandîki na Joa mûvîcî wa Asafu, ûrîa warî mûmenyereri wa mandîko.

2Atha 18:37

Eliakimu, Shebuna na Joa, nîmaacokire magîtembûra nguo ciao na marûrû, na makîthiî kûrî mûthamaki makîmwîra ûrîa Rabushake aaugîte.

1Maû 11:6

Daudi nîwaugire atîrî, “Mûndû ûrîa ûgaatongoria kûtharîkîra andû a Jebusi nîke ûgaatuîka mûnene wa athigari onthe a mbaara!” Joabu, mûvîcî wa Zeruia nîwamatongoririe, kwoguo nîwatuirwe mûnene wa athigari.