2Sam 8:1 - ÎVUKU RÎA ÛVORO MWARO

¹ Vuvarî, Daudi nîwatharîkîre Afilisiti rîngî, akîmavoota na matiacoka kwathana rîngî.

2Sam 8:1 ပူးပေါင်းရင်းမြစ်များ

2Sam 19:9

Andû onthe a Isiraeli nîmaambîrîrie gûtetania kûu vûrûrirî wonthe makiugaga atîrî, “Mûthamaki Daudi nîwatûvonokirie kuuma kûrî nthû cietû, na agîtûvonokia kuuma kûrî Afilisiti na rîu nî mûru akauma vûrûrirî nîûndû wa Abusalomu.

2Sam 2:24

Nwatî Joabu na Abishai nîmaavinyûririe Abineri. Na mbere ya riûa rîthûe nîmaakinyire kîrîmarî Kîam Ama, kîrîa kîrî mwena wa îrathîro wa Gia, njîrarî îrîa yerekerete werûrî wa Gibeoni.

2Sam 22:44

Nîwe wamvonokirie kuuma kûrî andû arîa maangararagia, ûkîndua mûnene wa ndûrîrî. Andû arîa ndaaicî nîmaatuîkire ndungata ciakwa.

2Sam 5:17

Rîrîa Afilisiti meeguire atî Daudi nîmûtuîku mûthamaki wa Isiraeli, Afilisiti onthe nîmaathiîre kûmûcaria nîguo mamûnyite. Na rîrîa Daudi eegwire ûvoro ûcio, nîwathiîre na akîîthitha îtûûrarî rîrîa rîarigicîrîtue na rûthingo rwa vinya.

2Sam 5:25

Daudi nîwekire wa ûrîa Ngai-Mûnene aamwathire eke na nîwavotire kwîngata Afilisiti kuuma Geba nginya Gezeri.

2Sam 7:9

Mbîthîrîtwe nîrî nawe kûrîa kuonthe wanathiî, na ngakûvootanîra kûrî nthû ciaku cionthe. Nîngûtûma ûgîe na îgweta wata atongoria a gûkû nthî arîa marî îgweta mûno.

Thaburi 18:43

Nîwamvonokirie kuuma kûrî andû arîa maareganaga nanie, na ûkîndua mûtongoria wa mavûrûri, andû ndaaicî nîmaatuîkire ndungata ciakwa.

Thaburi 60:2

Nîûtûmîte vûrûri winaine na watûkane; cokanîrîria vûrûri rîngî nîûndû nîkwa ûrathira.

Thaburi 60:8

Moabu nîyo karaî gakwa ga kwîthambîria; na nîngaaikîria Edomu iratû ciakwa. Nîngaaugîrîria nîûndû wa kûvoota vûrûri wa Filisiti.”

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

Ahib 11:34

nîwavoririe mîaki yarî mînene na makîvonoka kûragwa na rûviû. Matiarî na vinya, nwatî nîmagîre na vinya. Nîmaarûire na ûcamba mbaararî na makîvoota athigari a mavûrûri mageni.

1Sam 7:13

Nao Afilisiti makîvootwa viû na matiacoka kûvîtûka mîvaka ya Isiraeli rîngî ûtûûrorî wonthe wa Samueli.