2Sam 7:6 - ÎVUKU RÎA ÛVORO MWARO

⁶ Kuuma rîrîa naarutire andû a Isiraeli Misiri nginya ûmûnthî, ndirî natûûra hekarûrî; ndwîre nthiîcaga ngîkaraga îgemarî.

2Sam 7:6 ပူးပေါင်းရင်းမြစ်များ

2Sam 11:11

Nake Uria nîwacokerie Daudi atîrî, “Andû a Isiraeli na Juda marî mbaararî na îthandûkû rîa Kîrîkanîro. Nake mwathi wakwa, Joabu vamwe na ndungata ciake mambîîte magema mao werûrî. Nîngîrathiîre mûciî ngarîe, ngînyunyaga na njoke menyane kîîmwîrî na mûndûmûka wakwa atîa? Nînîvîta na Ngai-Mûnene ûrîa ûtûûraga mwoyo atî, ndîngîrekire ûndû ta ûcio!”

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

Ciîko 7:44

Methe metû ma tene maarî na îgema rîa kwonania atî Ngai aarî vamwe nao werûrî. Ngai nîwerire Musa ûrîa akûthondeka îgema rîu na Musa akîrîthondeka kûringana na ûrîa Ngai aamwonetie.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Gûco 23:14

Mavinda monthe rîrîa mûrî magemarî menyu, îthagîrwani mûrî atheru. Nîûndû Ngai-Mûnene Ngai wenyu ethagîrwa arî vamwe namue kûu mwambîte magema akîmûgitîra na akîmûvotithia kûvoota nthû cienyu. Kwoguo mûtigatûme Ngai-Mûnene Ngai wenyu oona ûndû mûcûku gatagatîrî kenyu ûngîtûma amûtiganîria.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Kûguû 2:1

“Andîka kûrî mûraika wa kanitha ûrîa ûrî Efeso atîrî: “Îno nî ndûmîrîri kuuma kûrî ûrîa ûgwete njata irîa mûgwanja njararî yake ya ûrîo, na nîke ûceeraga gatagatî ka indo mûgwanja cia thaavu cia kwigîrîrwa taa.

Atir 20:27

Vîndî îo, îthandûkû rîa kîrîkanîro Kîam Ngai-Mûnene rîarî Betheli.