2Sam 7:26 - ÎVUKU RÎA ÛVORO MWARO

²⁶ Rîîtwa rîaku nî rîtûûra rînenevetue, na andû matûûre maugaga atî, ‘Ngai-Mûnene mwene vinya wonthe nîke Ngai wa Isiraeli.’ Nî ûkaamenyerera ûthamaki wakwa tene na tene.

2Sam 7:26 ပူးပေါင်းရင်းမြစ်များ

Kîam 17:18

Iburahimu nîwaûririe Ngai atîrî, “Nîkwa ûtangîtîkîra Ishumaeli atuîke wa kûngaa?”

2Sam 7:25

“Na rîu, Ngai-Mûnene, Ngai, tûûra ûmvingagîria kîîranîro kîrîa wathondekire kîmbîgiî na njiarwa ciakwa, na wîke wata ûrîa waugire nîûgwîka.

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

1Atha 18:37

Nthikîrîria we Ngai-Mûnene, nthikîrîria, nîguo andû aya mamenye, atî we Ngai-Mûnene nîwe Ngai na, atî nîwe ûragarûra ngoro ciao magûcokerere.”

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 61:7

Arotûûra athanaga arî mbere yaku we Ngai tene na tene; mûgitîre na wendo waku ûtathiraga na wîvokeku waku.

Thaburi 89:36

Njiarwa ciake igaatûûra tene na tene, na ûthamaki wake ûtûûre ta riûa.

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Johana 12:28

Vava goocithia rîîtwa rîaku!” Naguo mûgambo nîwacokire ûkiuma îgûrû ûkiuga atîrî, “Nînîrîgoocithîtie na nwa ngûrîgoocithia wa rîngî.”