2Sam 7:23 - ÎVUKU RÎA ÛVORO MWARO

²³ Gûtirî andû engî gûkû nthî mekariî ta Aisiraeli, arîa wakûûrire kuuma ûkomborî na ûkîmatua andû aku. Maûndû manene na ma magegania marîa wekire nîûndû wao matûmîte ngumo yaku îtambe nthî yonthe. Nîwengatire ndûrîrî irîa ciîngî wa vamwe na ngai ciacio kuuma kûrîa kuonthe andû aku maavîtûkagîrîra, andû wa acio wakûûrîte kuuma Misiri na magatuîka andû aku.

2Sam 7:23 ပူးပေါင်းရင်းမြစ်များ

2Sam 7:24

We nîûtuîte Aisiraeli andû aku we mwene tene na tene, nawe Ngai-Mûnene ûgatuîka Ngai wao.

1Maû 17:21

Nî rûrîrî rwîngî rûrîkû nthî yonthe rûngîringithanua na andû a Isiraeli, arîa Ngai aathiîre gûkûûra nîguo matuîke andû ake? Maûndû manene na magegania marîa wamarûthîre nîmaatûmire ûgîa na rîîtwa rîrî na îgweta, rîrîa wavinyûririe ndûrîrî irîa ciarî mbere ya andû aku arîa warutire Misiri.

Nehemia 1:10

“Ngai-Mûnene, andû aya nî aku na nî ndungata ciaku. Wamakûûrire na vinya na ûvoti waku mûnene.

Thaburi 106:22

Nîwekire maûndû ma magegania vûrûrirî wa Misiri, na maûndû ma kûmakania îriarî Îtune.

Thaburi 111:9

Ngai-Mûnene nîwakûûrire andû ake, na akîrûtha nao kîrîkanîro gîa gûtûûra tene na tene. Ke nî mûtheru na nîwa gwîtigîrwa!

Thaburi 145:6

Andû makaragia ûvoro wa ciîko ciaku cia vinya, nanie ngaanagîrîra ûnene waku.

Thaburi 147:20

Ndaaneka ûndû ta ûcio vûrûrirî wîngî; na matiîcî mawatho make. Kumiani Ngai-Mûnene!

Thaburi 40:5

Nîûtwîkîrîte maûndû meengî ma magegania, we Ngai-Mûnene, Ngai wetû; gûtirî wîngî tawe! Ndingîvota kwaria ûvoro wamo monthe, nîûndû nî meengî mûno!

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Thaburi 65:5

We nîûcokagia mavoya metû na njîra ya gûtûva ûvootani, na nîwîkaga maûndû ma magegania nîguo ûtûvonokie, we nîwe kîîrîgîrîro Kîam andû onthe a nthî, na Kîam arîa marî mariarî marîa marî kûraca.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Ntha 12:12

“Ûtukû ûcio nie nîngaavîtûkîrîra vûrûri wa Misiri na mbûrage marikithathi monthe ma njamba, ma andû wana ma nyamû, na mverithie ngai cionthe cia Misiri. Nie nî nie Ngai-Mûnene.

Ntha 33:16

Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 9:15

Nîûndû kethîrwa nînatambûrûkirie njara nîguo ngûverithie vamwe na andû aku, nîngîamûcûkangirie na mûrimû mûkîthira viû.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Jeremia 32:20

Nîwaringire ciama na ûgîka maûndû manene Misiri, na nîûthiîte na mbere kûmeka Isiraeli nginya ûmûnthî na ûndû ûcio ûgatûma ûmenyakane.

Jeremia 32:21

Nîwarutire andû aku a Isiraeli vûrûrirî wa Misiri na njîra ya kûringa ciama na ûgîka maûndû ma magegania na vinya na ûvoti mwîngî na ûkîmakia andû a Misiri.

Ezek 20:9

Nwatî ndieka guo nîguo rîîtwa rîakwa rîtikanyararwe nî ndûrîrî irîa maatûûraga gatagatîrî ga cio. Ndûrîrî icio nîcionire ngîîmenyithania kûrî andû a Isiraeli na njîra ya kûmaruta vûrûri wa Misiri.

Ndari 6:27

Ngai-Mûnene nîwaugire atîrî, “Mangîkaarathima andû a Isiraeli makîgwetaga rîîtwa rîakwa, nîngaamarathima.”

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

Gûco 10:21

Nîke mwagîrîrwe nî gûkumia, na nîke Ngai wenyu ûrîa wamûringîre ciama na morirû marîa mwonire na metho menyu.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”

Gûco 9:26

Nînavoire Ngai-Mûnene ngîmwîra atîrî, ‘Ûûi Ngai-Mûnene Ngai, ndûgacûkangie andû aku arîa wakûûrire na ûkîmaruta Misiri na vinya waku mûnene.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Josh 7:9

Andû a Kanaani na andû arîa engî onthe matûûraga gûkû makegua ûvoro ûcio. Nao mawîgua magatûthiûrûrûkîria na maûrage andû onthe etû natue nîtûkûriganîra gûkû nthî. Ngai-Mûnene ûgeka atîa nîguo ûgitîre ûnene wa rîîtwa rîaku?”

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.