2Sam 7:1 - ÎVUKU RÎA ÛVORO MWARO

¹ Mûthamaki Daudi nîwatûûrire nyombarî yake, na Ngai-Mûnene akîmûgitîra kuuma kûrî nthû ciake cionthe.

2Sam 7:1 ပူးပေါင်းရင်းမြစ်များ

2Sam 5:11

Hiramu mûthamaki wa Turo nîwatûmire anjaama mathiî makavirîre Daudi mîtarakwe, vamwe na mafundi ma mbaû na ma nyomba cia mathiga nîguo mamûtumîre nyomba.

2Sam 6:23

Mikali mwarî wa Saûlo ndaagîa na ciana nginya rîrîa aakwire.

2Sam 7:11

Kuuma rîrîa nathuurîre andû akwa a Isiraeli atongoria na magîtonya vûrûrirî ûyû, matûîre matharîkagîrwa nî nthû, nwatî ûndû ûyû ndûgeekîka rîngî. Nîrakwîrîra atî, nîngaakûgitagîra kuuma kûrî nthû ciaku cionthe na ngûve njiarwa.

1Atha 5:4

Nwatî Ngai-Mûnene, Ngai wakwa nîatwîguithanîtie na andû onthe arîa tûvakanîte nao. Ndirî na nthû na ndirî na thîna wana ûrîkû.

1Maû 22:6

Mûthamaki Daudi nîwacokire agîîta Solomoni na akîmwîra atume hekarû ya Ngai-Mûnene, Ngai wa Isiraeli.

1Maû 22:7

Daudi nîwerire Solomoni atîrî, “Mûvîcîwa nîrendete gûtuma hekarû ya kûgoocagîra Ngai-Mûnene, Ngai wakwa.

1Maû 28:2

Mûthamaki Daudi nîwamerire atîrî, “Tanthikîrîriani andû etû. Nînîrendete gûtuma nyomba ya kwigwa îthandûkû rîa kîrîkanîro Kîam Ngai-Mûnene, Ngai wetû na va kwigwa gaturwa ka magûrû make, na nînavarîrîrie gûtuma.

2Maû 14:6

Mûthamaki Asa nîwatumire matûûra mairigîre kûu Juda kavindarî kau kwarî na thayû. Vûrûri wake nîwekarire îvinda rîa mîaka mîîngî gûtarî na mbaara, nîûndû Ngai-Mûnene nîwamûvete thayû.

2Maû 20:30

Kwoguo ûthamaki wa Jehoshafati nîwekarire ûrî na thayû, nîûndû Ngai nîwamûgitîrîte kuuma mîena yonthe.

Thaburi 132:5

nginya rîrîa ngaatumîra Ngai-Mûnene vandû va gwîkara, gîkaro Kîam Mwene vinya Ngai wa Jakovu.”

Thaburi 18:1

Ngai-Mûnene, nîngwendete! We nîwe ûngitagîra.

Nthi 16:7

Ngai-Mûnene angîkenua nî mîthiîre ya mûndû, nîatûmaga wana nthû cia mûndû ûcio ituîke arata.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

Ciîko 7:46

Daudi nîwonirwe arî mwagîrîru nî Ngai. Ke nîwaûririe Ngai amwîtîkîrie atume gîîkaro Kîam Ngai wa Jakovu.

Josh 21:44

Ngai-Mûnene nîwerîrîte methe ma tene ma andû a Isiraeli atî nîagaatûma matûûrage na thayû vûrûrirî wao wonthe. Nake nîwavingirie kîîranîro kîu. Gûtirî wana îmwe ya nthû ciao îngîavotire kûrûa nao, nîûndû Ngai-Mûnene nîwamavere ûvootani kûrî nthû ciao cionthe.

Josh 23:1

Vuva wa kavinda karaca Ngai-Mûnene nîwavere andû a Isiraeli thayû wa gwîkara matakûrûa na nthû irîa ciamathiûrûrûkîrîtie. Vîndî îo Joshua aarî mûkûrû mûno.