2Sam 6:2 - ÎVUKU RÎA ÛVORO MWARO

² Nîwacokire akîthiî nao nginya Baala îrîa îrî Juda, nîguo makagîre îthandûkû rîa kîrîkanîro Kîam Ngai kuuma kuo. Îthandûkû rîu rîandîkîtwe rîîtwa rîa Ngai-Mûnene mwene vinya wonthe, ûrîa wîkaraga îgûrû rîa Akerubi.

2Sam 6:2 ပူးပေါင်းရင်းမြစ်များ

2Sam 22:11

Aathiîte akuuîtwe nî kerubi îgûrûkîte, aakuuîtwe nî mathagu ma rûkûngi.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Isaia 47:4

Rîîtwa rîa mûkûri wetû nî Ngai-Mûnene mwene vinya wonthe, Ûrîa Mûtheru wa Isiraeli.

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Josh 15:60

Nîmaaveerwe matûûra marîa manene mengî maîrî vamwe na icagi irîa ciarî vakuvî namo. Namo nî: Kiriathi Baali (kana na rîîtwa rîngî Kiriathi-jearimu) na Raba.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.

1Sam 6:21

Kwoguo nîmaatûmire anjaama kûrî andû arîa matûûraga Kiriathi Jearimu makameere atîrî, “Afilisiti nîmaracokirie îthandûkû rîa kîrîkanîro rîa Ngai-Mûnene. Nyûrûrûkani mûrîîcîre mûthiî narîo na kûu kwenyu.”

1Sam 7:1

Nao athuuri a Kiriathu Jearimu nîmaanyûrûrûkire na magîoca îthandûkû rîa Kîrîkanîro rîa Ngai-Mûnene na makîrîvira mûciî kwa mûndû wetagwa Abinadabu. Nao nîmaatheririe mûûriû wake, Eleazaru nîguo atuîke mûmenyereri wa îthandûkû rîu rîa Ngai-Mûnene.