2Sam 5:9 - ÎVUKU RÎA ÛVORO MWARO

⁹ Daudi arîkia gûcuunana îtûûra rîu rîairigîrîtwe na rûthingo rwa vinya, nîwatûûrire kuo na akîrîtuîra rîîtwa, “Îtûûra rîa Daudi.” Nîwacokire agîtuma îtûûra rîrigicîrîtie ambîrîrîtie mwena wa îrathîro wa kîrîma nîûndû kûu nîkuo mûthetu waikîrîtue gûkaragana waro.

2Sam 5:9 ပူးပေါင်းရင်းမြစ်များ

2Sam 5:7

(Nwatî Daudi nîwacunanire îtûûra rîu rîao rîa Zayuni, rîrîa rîairigîrîtwe na nthingo cia vinya mûno na rîgîcoka gwîtwa “Îtûûra rîa Daudi.”)

2Sam 5:8

Mûthenya ûcio Daudi nîwerire andû ake atîrî, “Mûndû wa wonthe ûmenete Ajebusi na ûngîenda kûmaûraga, nîaunûkîrîrie mûtarorî wa manjî athiî akatharîkîre ithua na itumumu icio menete” (Kîu nîkîo gîtûmaga kwîrwe, atî “Ithua na itumumu itingîtonya nyombarî ya Ngai-Mûnene.”)

2Sam 6:10

Kwoguo Daudi ndeendaga kûvira îthandûkû rîa kîrîkanîro Jerusalemu îtûûrarî rîa Daudi; vandû va ûguo, ke nîwagarûrûkire na akîrîvira mûciî kwa Obedi-edomu, ûrîa watûûraga îtûûrarî rîa Gathu.

1Atha 11:27

Naguo ûndû ûrîa watûmire Jeroboamu aregane na mûthamaki nî atî; Solomoni nîwecûririe mûthetu mwena wa îrathîro wa îtûûra rîa Jerusalemu na agîtuma nthingo ciarîo rîngî.

1Atha 2:10

Daudi nîwakwire na akîthikwa îtûûrarî rînene rîa Daudi.

1Atha 9:15

Mûthamaki Solomoni nîwarutithagia andû wîra wa gûtuma hekarû vamwe na nyomba yake na vinya, na gwîcûria mûthetu mwena wa îrathîro wa îtûûra rîa Jerusalemu na gûtuma rîngî matûûra ma Hazoru, Megido na Gezeri.

1Atha 9:24

Nwatî mwarî wa mûthamaki wa Misiri nîwaumire îtûûrarî rîa Daudi na akîthiî nyombarî yake îrîa Solomoni aamûtumîrîte; nake Solomoni nîwacokire agîcûria mûthetu mwena wa îrathîro wa îtûûra rîa Jerusalemu.

2Atha 12:20

Ndungata cia mûthamaki Joashi nîciavangire ûrîa ingîmûraga na nîciamûragîre nyombarî îrîa îrî kûrîa gwikîrîrie mûthetu mwena wa îrathîro wa Jerusalemu, njîrarî îrîa înyûrûrûkîte îthiîte Sila.

2Atha 12:21

Aaûragirwe nî ndungata ciake, Isakaru mûvîcî wa Shimeathi marî na Jehozabadi mûvîcî wa Shomeri. Nîmaamûthikire mbîrîrarî cia athamaki kûu îtûûrarî rînene rîa Daudi, nake mûvîcî Amazia nîwatuîkire mûthamaki vuva wake.

1Maû 11:8

Nîwatumire îtûûra rîu ambîrîrîtie kûrîa kwarî gwîcûrie mûthetu na akîthiî rûthingorî rûrîa rwathiûrûrûkîrîtie îtûûra. Nake Joabu nîwatumire kûu kwîngî gwatigarîte gwa îtûûra.

2Maû 32:5

Hezekia nîwarutire wîra na vinya wa gûtuma rîngî rûthingo rwa Jerusalemu kûrîa rwarî rwomomoku na agîtuma nyomba ndaca na îgûrû cia arangîri rûthingorî rûu. Nîwatumire rûthingo rwa kaîrî mwena wa nja wa rûthingo rûu na agîtuma kûndû kûrîa gwecûrîtue mûthetu mwena wa îrathîro wa îtûûra rîa Daudi nîguo kûgîe na vinya. Wana nîwarûthire ngo na indo nyîngî cia mbaara.

Nehemia 3:15

Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

Thaburi 122:3

Jerusalemu, îtumîtwe ta îtûûra rîrî rînyitanu vamwe.

Isaia 29:1

Ûûi Arieli, Arieli, we îtûûra rîrîa Daudi aambîte magema make! Mwaka ûkaga na ûkavîtûka, na irugo ikûngûîrwe mîaka yonthe.

Atir 9:20

Nwatî ethîrwa tî ûguo, mwaki ûrouma kûrî Abimeleki na ûvîvie andû a Shekemu na andû a Bethimilo viû. Na rîngî mwaki ûrouma kûrî andû a Shekemu na Bethimilo na ûvîvie Abimeleki viû.”

Atir 9:6

Andû onthe a Shekemu na a Bethimilo nîmaaûnganire vamwe. Nîmaacokire makîthiî vakuvî na mûvuru ûrîa mwamûre kûu Shekemu na magîtua Abimeleki mûthamaki.