2Sam 5:20 - ÎVUKU RÎA ÛVORO MWARO

²⁰ Kwoguo Daudi nîwathiîre Baali-perazimu na akîvoota Afilisiti. Nîwacokire akiuga atîrî, “Ngai-Mûnene nîetûrûrîte nthû ciakwa wata ûrîa manjî metîkaga rîrîa mecûrîte.” Kwoguo vandû vau vetagwa Baali-perazimu.

2Sam 5:20 ပူးပေါင်းရင်းမြစ်များ

2Sam 19:9

Andû onthe a Isiraeli nîmaambîrîrie gûtetania kûu vûrûrirî wonthe makiugaga atîrî, “Mûthamaki Daudi nîwatûvonokirie kuuma kûrî nthû cietû, na agîtûvonokia kuuma kûrî Afilisiti na rîu nî mûru akauma vûrûrirî nîûndû wa Abusalomu.

1Maû 14:11

Kwoguo Daudi nîwathiîre Baali Perazimu akîmatharîkîra na akîmavoota. Nîwacokire akiuga atîrî, “Ngai nîavîtûkîrîrîte gatagatî ka nthû ciakwa na njîra ya njara yakwa ta ûrîa mwîcûro wa manjî ûthiîcaga na vinya.” Kwoguo vandû vau vetagwa Baali Perazimu.

Thaburi 60:1

We Ngai, nîûtûtiganîrîtie, na nîûtûvootete; nîûrakarîte nî tue, nwatî rîu tûcokerere.

Isaia 28:21

Ngai-Mûnene nîakaarûngama ta ûrîa aarûngamire arî Kîrîmarî gîa Perazimu, na arakare ta ûrîa aarakarire arî Kîamndarî gîa Gibeoni; nîageka ûndû ûtecîkene, nîakaaruta wîra wake wa kûgegania.

Habakuku 3:13

Nîwaumire ûkîthiî kûvonokia andû aku, ûkîthiî kûvonokia mûthamaki rûrîa wathuurîte. Nîwakinyangire mûtongoria wa andû arîa aganu, na ûkîthiria arûmîrîri ake onthe.