2Sam 5:2 - ÎVUKU RÎA ÛVORO MWARO

² Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Sam 5:2 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

2Sam 6:21

Nake Daudi nîwerire Mikali atîrî, “Nîminaga ngîtîîa Ngai-Mûnene, ûrîa wanthuurire nîguo nduîke mûtongoria wa andû ake a Isiraeli vandûrî va aguo na andû a mûciî wake. Na nwa ngûthiî na mbere kwina ngîtîîa Ngai-Mûnene.

2Sam 7:7

Kûrîa kuonthe nanathiî na andû a Isiraeli ndianaûria mûtongoria wanarî ûmwe wa arîa naathuurire matongorie andû akwa a Isiraeli kîrîa gîatûmire marega kûndumîra hekarû ya mîtarakwe.’

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

2Atha 20:5

“Coka kûrî Hezekia, mûtongoria wa andû a Ngai-Mûnene Ngai wa aguo Daudi, ûkamwîre nînegua îvoya rîaku na nînona methori maku. Nîngûkûvonia, na vuva wa mîthenya îthatû nîûkaathiî hekarûrî.

1Maû 11:2

Mbererî wana rîrîa Saûlo aarî mûthamaki nîwatongoririe andû a Isiraeli makîthiî kûrûa. Nake Ngai-Mûnene, Ngai waku nîwakwîrire atî nîûgaatongoria andû ake na ûtuîke mûnene wao.”

2Maû 1:10

Kwoguo mva ûûgî na ûmenyo nîguo mvotaga gûtongoria andû aya na njîra îrîa yagîrîrîte, nîûndû gûtirî mûndû ûngîtongoria andû aya engî ûguo atarî na ûtethio waku.”

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Ezek 34:23

Nîngaaithuurîra mûrîthi ûmwe, na nîke Daudi ndungata yakwa na nîagaatuîka mûrîthi wacio. Nîakaairîthia waro na aimenyagîrîre.

Mika 5:4

Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Ndari 27:17

na ûrîa ûkaamathaga marî mbaararî nîguo matigekare ta ng'ondu itarî na mûrîthi.”

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Johana 10:11

“Nie nînie mûrîthi mwaro. Mûrîthi mwaro nîarutaga mwoyo wake nîûndû wa ng'ondu.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

1Sam 13:14

Nwatî rîu ûthamaki waku nîûkaathira Ngai-Mûnene nîakeethuurîra mûndû mûrûme ûrîa ke endaga na amûtue mûthamaki wa andû ake, nîûndû we nîwaregire kûmwathîkîra.”

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 18:13

Kwoguo Saûlo nîwamûthengutirie mbere yake na akîmûtua mûnene wa athigari ngiri îmwe (1,000). Daudi nîwatongoririe andû ake mbaararî,

1Sam 18:16

Nwatî andû onthe a Isiraeli na Juda nîmeendire Daudi nîûndû wa ûrîa aarî mûtongoria mwaro.

1Sam 18:5

Daudi nîwavootanaga kûrîa kuonthe Saûlo aamûtûmaga, na nîûndû wa ûguo Saûlo nîwamûtuire mûnene wa athigari ake. Ûndû ûyû nîwakenirie andû onthe wana ndungata cia Saûlo.

1Sam 25:28

Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.

1Sam 25:30

Rîrîa Ngai-Mûnene akaavingia maûndû monthe maro marîa akwîrîrîte na agûtue mûthamaki wa Isiraeli,

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”