2Sam 5:10 - ÎVUKU RÎA ÛVORO MWARO

¹⁰ Daudi nîwathiîre na mbere kûgîa na vinya nîûndû Ngai-Mûnene, Ngai mwene vinya wonthe aarî vamwe nake.

2Sam 5:10 ပူးပေါင်းရင်းမြစ်များ

Kîam 21:22

Vîndî wa îo Abimeleki na Fikoli mûnene wa athigari nîmaathiîre kûrî Iburahimu na makîmwîra atîrî, “Ngai ethagîrwa arî vamwe nawe maûndûrî monthe marîa wîkaga.

2Sam 3:1

Mbaara nîyathiîre na mbere kavinda karaca gatagatîrî ka andû arîa maarî mwena wa Saûlo na arîa maarî mwena wa Daudi. Daudi na andû ake nîmaakîrîrîrie kûgîa vinya, nwatî Saûlo na andû ake magîkîrîrîria kûthira vinya.

2Sam 7:9

Mbîthîrîtwe nîrî nawe kûrîa kuonthe wanathiî, na ngakûvootanîra kûrî nthû ciaku cionthe. Nîngûtûma ûgîe na îgweta wata atongoria a gûkû nthî arîa marî îgweta mûno.

2Sam 8:14

Ke nîwatumire ciîkaro cia athigari ake a mbaara vûrûrirî wonthe wa Edomu, nao andû a kuo magîtuîka ndungata cia Daudi. Nake Ngai-Mûnene nîwatûmire Daudi avootane kûrîa kuonthe aathiîcaga.

2Sam 8:6

Nîwacokire agîtuma ciîkaro cia athigari ake vûrûrirî wa Damesiki, na andû a Sîria nîmaatuîkire ndungata ciake na nîmaarutaga gooti kûrî Daudi. Ngai-Mûnene nîwatûmire Daudi avootane kûrîa kuonthe aathiîcaga.

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 24:10

Mûthamaki ûcio ûrî riiri nû? Nî Ngai-Mûnene, mwene vinya wonthe, ke nîke Mûthamaki ûrî riiri!

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.

1Sam 18:14

na nîwavootanaga maûndûrî marîa monthe eekaga, nîûndû Ngai-Mûnene aarî vamwe nake.

1Sam 18:5

Daudi nîwavootanaga kûrîa kuonthe Saûlo aamûtûmaga, na nîûndû wa ûguo Saûlo nîwamûtuire mûnene wa athigari ake. Ûndû ûyû nîwakenirie andû onthe wana ndungata cia Saûlo.