2Sam 4:8 - ÎVUKU RÎA ÛVORO MWARO

⁸ Nîmaavirire kîongo kîu Kîam Ishiboshethu kûrî mûthamaki Daudi kûu Heburoni na makîmwîra atîrî, “Gîkî nîkîo kîongo Kîam Ishiboshethu mûvîcî wa nthû yaku îrîa îtagwa Saûlo, îrîa yendaga gûkûûraga. Ûmûnthî Ngai-Mûnene nîagwîtîkîrîtie we mwathi wetû wîrîvîrie kûrî Saûlo na njiarwa ciake.”

2Sam 4:8 ပူးပေါင်းရင်းမြစ်များ

2Sam 18:19

Ahimaazi mûvîcî wa Zadoku nîwerire Joabu atîrî, “Tiga mvinyûre nthiî kûrî mûthamaki ngamûmenyithie ûvoro ûyû mwaro, atî Ngai-Mûnene nîamûvonoketie kuuma kûrî nthû ciake.”

2Sam 18:31

Vîndî wa îo, Mûethiopia ûrîa warî ngombo nîwakinyire na akîra mûthamaki atîrî, “Mwathi wakwa Mûthamaki, nîrî na ûvoro mwaro nakûretere! Naguo nî atî, ûmûnthî Ngai-Mûnene nîatûmîte ûvoote nthû ciaku cionthe.”

2Sam 2:8

Abineri mûvîcî wa Neri, ûrîa warî mûnene wa mbûtû ya mbaara ya Saûlo nîwatorokete na Ishiboshethu mûvîcî wa Saûlo akathiî nake mûringo wa Jorodani na magîkinya Mahanaimu.

2Sam 22:48

Ke nîke Ngai ûrîa wamvotithirie kûvoota nthû ciakwa, na akîmvotithia kwatha ndûrîrî.

Thaburi 71:24

Nîngaaragia ûvoro wa ûthingu waku vîndî cionthe, nîûndû arîa meendaga kûmbîka naaî nîavoote na magaconorithua.

Mathaayo 2:20

na akîmwîra atîrî, “Ûkîra woce mwana na ng'ina, na mûcoke vûrûrirî wa Isiraeli, nîûndû andû arîa maageragia kûûraga mwana nî akuû.”

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”

1Sam 18:11

Nake Saûlo akîîra na ngoro atîrî, “Nîmbikia Daudi îtumû nîmûmundanîrie na rûthingo.” Nake nîwaikirie Daudi îtumû maita maîrî wa Daudi akîevagîra.

1Sam 19:1

Saûlo nîwerire mûvîcî Jonathani vamwe na ndungata ciake cionthe atî nîatuîte kûûraga Daudi. Nwatî Jonathani nîwendeete Daudi mûno.

1Sam 19:15

Nwatî Saûlo nîwamatûmire rîngî mathiî na mone Daudi o ene. Ke nîwamaathire mamûkuue arî gîtandarî gîake na mamûvirîre ke nîguo amûûrage.

1Sam 20:1

Daudi nîwacokire akiuma Naiothu kûu Rama akîthiî kûrî Jonathani na akîmûria atîrî, “Nîkwa mbîkîte atîa? Mavîtia makwa nîmarîkû? Nî îvîtia rîrîkû mvîtîrîtie aguo narîo rîa gûtûma ende kûmbûraga?”

1Sam 23:15

Daudi nîwamenyire atî Saûlo nîwavangîte kûmûraga. Vîndî îo Daudi aarî Horeshi werûrî wa Zifu.

1Sam 24:4

Nao andû a Daudi nîmaamwîrire atîrî, “Gaka nîko kamweke gaku, nîûndû ûmûnthî nîguo mûthenya ûrîa Ngai-Mûnene aakwîrire atî nîakaanenganîra nthû yaku njararî ciaku, nawe nîûkaamwîka wa ûrîa wonthe ûkeenda kûmîka.” Nake Daudi nîwathiîre acemete na agîtinia gîcûrî Kîam nguo ya Saûlo îrîa ndaca atakûmenya.

1Sam 25:29

Mûndû wa wonthe agaakûtharîkîra na agerie gûkûraga, Ngai-Mûnene nîagaakûgitîra wata ûrîa mûndû agitagîra mûthithû wake wa goro. Nacio nthû ciaku nîagaacikia wata ûrîa mûndû aikagia mathiga na gîkûtha.