2Sam 4:12 - ÎVUKU RÎA ÛVORO MWARO

¹² Daudi nîwarutire watho, na athigari ake nîmaaûragire Rekabu na Baana na magîtinia njara ciao vamwe na magûrû na makîmacuria vandû vakuvî na karia kûu Heburoni. Nwatî nîmoocire kîongo Kîam Ishiboshethu na magîkîthika mbîrîrarî ya Abineri kûu Heburoni.

2Sam 4:12 ပူးပေါင်းရင်းမြစ်များ

2Sam 1:15

Daudi nîwetire ûmwe wa anake ake na akîmwîra atîrî, “Mûrage!” Nake mwanake ûcio nîwaringire Mûmaleki ûcio na akîmûraga.

2Sam 16:8

Wocire ûthamaki wa Saûlo, na rîu nîkwa Ngai-Mûnene arakûverithia nîûndû wa ûrîa waûragire andû eengî a mûciî wa Saûlo. Ngai-Mûnene nîanenganîrîte ûthamaki waku kûrî mûvîcîguo Abusalomu, na rîu mûragani ûyû nîwathira!”

2Sam 2:8

Abineri mûvîcî wa Neri, ûrîa warî mûnene wa mbûtû ya mbaara ya Saûlo nîwatorokete na Ishiboshethu mûvîcî wa Saûlo akathiî nake mûringo wa Jorodani na magîkinya Mahanaimu.

2Sam 21:9

Daudi nîwamanenganîre kûrî andû a Gibeoni, nao makîmacuria vandû kîrîmarî îgûrû mbere ya Ngai-Mûnene. Andû acio onthe mûgwanja nîmaakwire vîndî îmwe. Maaûragirwe vîndî ya maketha rîrîa cairi yambagîrîria gûkethwa.

2Sam 3:32

Abineri nîwathikirwe kûu Heburoni, nake mûthamaki na andû onthe nîmaarîrire maugîrîrîtie marî vau mbîrîrarî.

Thaburi 55:23

Nwatî, we Ngai, nîûgaikia aûragani acio na veenania mbîrîrarî, matigaakinyia nuthu ya ûtûûro wao. Nwatî nie, ngakwîvokaga we Ngai.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.