2Sam 4:11 - ÎVUKU RÎA ÛVORO MWARO

¹¹ Kaî andû aganu, arîa maûragîte mûndû mûthingu amamîte nyomba gwake nî makethîrwa marî na thîna-î! Rîu nînîîrîvîrîria namue nîûndû wa kûmûûraga. Nînîmûraga muonthe mûthire!”

2Sam 4:11 ပူးပေါင်းရင်းမြစ်များ

Kîam 4:11

We nîwanyitwa nî kîrumi na ndûkaarîma mûtheturî ûrîa wathamirie na wanyua nthakame ya mûrwanyûkwe ûrîa we ûragire.

Kîam 6:13

Ngai nîwerire Nuhu atîrî, “Nie nînduîte ciira atî nîngûthiria andû onthe. Nînîmathiria onthe nîûndû nthî îcûrîte mbaara nîûndû wao. Nînîmathiria vamwe na nthî yonthe.

Kîam 7:23

Ngai-Mûnene nîwathiririe ciûmbe cionthe irîa ciarî mwoyo gûkû nthî. Nîwathiririe andû, nyamû na iconi. Nuhu, andû arîa maarî nake thabinarî vamwe na nyamû nîo maavonokire.

2Sam 16:8

Wocire ûthamaki wa Saûlo, na rîu nîkwa Ngai-Mûnene arakûverithia nîûndû wa ûrîa waûragire andû eengî a mûciî wa Saûlo. Ngai-Mûnene nîanenganîrîte ûthamaki waku kûrî mûvîcîguo Abusalomu, na rîu mûragani ûyû nîwathira!”

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

Thaburi 109:15

Ngai-Mûnene aroririkanaga mevia mao vîndî cionthe, nwatî o maroriganîra viû gûkû nthî!

Thaburi 9:12

Nîûndû arîa maûragagwa Ngai-Mûnene nîamarîvagîrîria, ndariganagîrwa nî kîrîro Kîam arîa maranyarirîka.

Ntha 21:12

“Mûndû angîringa mûndû wîngî na amûrage, wanake nîkaûragwa.

Ntha 9:15

Nîûndû kethîrwa nînatambûrûkirie njara nîguo ngûverithie vamwe na andû aku, nîngîamûcûkangirie na mûrimû mûkîthira viû.

Nthi 2:22

Nwatî andû arîa acûku nîmakaathirua kuuma gûkû nthî, na andû arîa mavangaga maûndû macûku nîmagaakûrwa kuo.

Nthi 25:26

Mûndû mûthingu ûrîa ûrûmagîrîra mûndû mwaganu, ekariî ta îtherûkîro rîa manjî rîrî riunjuge kana kîthima kîrî na gîko.

Jeremia 10:11

Kwoguo nîmûkaamera atî: “ngai irîa itaûmba nthî na îgûrû nîikaathira cionthe gûkû nthî.”

Habakuku 1:12

We Ngai-Mûnene kuuma Kîammbîrîria we warî Ngai. Ûrî Ngai wakwa, mûtheru na wa tene na tene. We Ngai wakwa, mûtheru wakwa ûtakucaga, we Ngai-Mûnene nîûthuurîte Akalidei nîguo matûtuîre ciira; we Îthiga, ûmavete vinya nîguo matûverithie.

Habakuku 1:4

Kwoguo watho ndûrî na vata, na kîvooto gîtirûmagîrîrwa. Andû arîa acûku mathiûrûrûkîrîtie andû arîa aro, kwoguo kîvooto gîtirûmagîrîrwa.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.