2Sam 3:39 - ÎVUKU RÎA ÛVORO MWARO

³⁹ Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

2Sam 3:39 ပူးပေါင်းရင်းမြစ်များ

2Sam 16:10

Nwatî mûthamaki nîwerire Abishai na mûrwang'ina Joabu atîrî, “Ûcio tî wîra wenyu. Ethîrwa aranuma nîûndû nî Ngai-Mûnene ûmwîrîte eke guo, nîûrîkû ûrî na kîvooto gîa kûmûria areka ûguo nîkî?”

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 19:22

Nwatî Daudi nîwerire Abishai na mûrwang'ina Joabu atîrî, “Nî ûrîkû ûmûûririe woni wenyu? Mûrenda kûnthînia nîkî? Nînie mûthamaki wa Isiraeli, na gûtirî Mûisiraeli wanarî ûmwe ûkûûragwa ûmûnthî.”

2Sam 3:38

Mûthamaki nîwerire ndungata ciake atîrî, “Nîkwa mûtaicî, atî ûmûnthî mûtongoria mûnene nîakuîte kûu Isiraeli?

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

1Atha 2:9

Nwatî nwanginya ûmûverithie. Nwanginya ûtûmîre ûûgî na wone nama atî nîwaûragwa.”

1Maû 22:5

Daudi nîwaugire atîrî, “hekarû îrîa mûvîcîwa Solomoni agaatumîra Ngai-Mûnene îkethîrwa îrî nene na nthaka na îkaagîa ngumo nthî yonthe. Nwatî ke nî mwîthî na tîmûmenyu maûndû marîa agîrîrwe nî kûmenya, kwoguo nînie ngûvarîria gûtumwa kwayo.” Nake Daudi nîwaûnganirie indo nyîngî mûno cia gûtuma hekarû mbere ya akua.

1Maû 29:1

Mûthamaki Daudi nîwacokire akîra andû onthe arîa maagomanîte atîrî, “Mûvîcîwa Solomoni ûrîa Ngai athuurîte, nî mûndû mwîthî na ndarî na kîrîra kîîngî na wîra nî mûnene nîûndû nyomba îno tî ya mûndû, nwatî nî hekarû ya Ngai-Mûnene, Ngai.

2Maû 13:7

Vuvarî nîwagomanirie varî ke andû aganu na mataarî kîene na makîringîrîria Rehoboamu mûvîcî wa Solomoni eke ûrîa meendaga rîrîa Rehoboamu aarî mûndû mwîthî na atangîavotire kûmetirîria.

Thaburi 101:8

Mûthenya wa mûthenya nîngaacûkangia eki naaî vûrûrirî. Nîngaathiria eki naaî onthe îtûûrarî rîa Ngai-Mûnene.

Thaburi 28:4

Maverithie kûringana na maûndû marîa mekîte, kûringana na maûndû macûku marîa meekire. Maverithie kûringana na maûndû mao o ene, meke ûrîa magîrîrwe nî gwîkwa!

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Thaburi 7:16

Macokagwa nî maûndû mao marîa macûku, na makaverithua nî waganu wao o ene.

Thaburi 75:10

Nîakaathiria andû arîa aganu vinya, nwatî nîakoongerera andû arîa athingu vinya.

Ntha 21:12

“Mûndû angîringa mûndû wîngî na amûrage, wanake nîkaûragwa.

Nthi 20:8

Rîrîa mûthamaki ekarîra gîtî Kîam ûnene agîtwithania ciira nîathuurûkanagia maûndû monthe macûku kuuma kûrî marîa maro.

Nthi 25:5

Thengutia andû arîa aganu vakuvî na mûthamaki, na ûthamaki wake nîûkeevanda maûndûrî ma kîvooto.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Isaia 7:4

Mwîre amenyerere, akirîrîrie, ndagetigîre na ndagakue ngoro nîûndû wa marakara meengî ma Rezini, mûthamaki wa Sîria na ma Peka, mûvîcî wa Remalia. Andû acio aîrî mekariî ta ndogo ya ngû ikîvora mwaki.

Jeremia 38:5

Mûthamaki Zedekia nîwaugire atîrî, “Ethîrwa nîguo mûkwona kwagîrîrîte, mwîkeni wa ûrîa mûkwona, nie ndingîmûgiria.”

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Ndari 32:23

Nwatî mwarega kûvingia ciîranîro cienyu, nîramwîra nama atî mûkeethîrwa mwîvîtie mbere ya Ngai-Mûnene, na nîmûkaaverithua nîûndû wa wîvia wenyu.

Aroma 13:4

Nîûndû ke nî ndungata ya Ngai na arutaga wîra nîûndû wa wagîrîru waku. Nwatî ûngîka naaî, mwîtigîre nîûndû ke ethagîrwa arî na ûvoti wa kûverithia mûndû. Ke nî ndungata ya Ngai ya kûverithia arîa mekaga naaî.

2Tim 4:14

Alekisanda mûturi wa cuuma nîwambîkire maûndû meengî macûku. Mwathani nî akaamûrîva kûringana na ciîko ciake.

Atir 9:57

Ngai nîwacokire agîtûma andû a Shekemu manyitwe nî waganu wao o ene. Nîmaanyitirwe nî kîrumi kîrîa Jothamu mûvîcî wa Gideoni aarumanîte.