2Sam 3:35 - ÎVUKU RÎA ÛVORO MWARO

³⁵ Mûthenya wonthe andû nîmaaringîrîrie Daudi arîe irio, nwatî Daudi nîwevîtire na akiuga atîrî, “Ngai arombûraga ethîrwa nîngûrîa kîndû mbere ya gûtuke!”

2Sam 3:35 ပူးပေါင်းရင်းမြစ်များ

2Sam 1:12

Nîmaacakaire, makîrîra, na makîîvinga kûrîa irio nginya kîvwaî nîûndû wa Saûlo na Jonathani, na nîûndû wa Aisiraeli, andû a Ngai-Mûnene nîûndû eengî ao nîmaûragîrîtwe mbaararî.

2Sam 12:17

Nacio ndungata cia gwake mûciî nîciathiîre kûrî ke na ikîgeria kûmûkîria, nwatî nîwaregire kûrîcanîra irio nacio.

2Sam 3:34

Njara ciake itiarî njove magûrû make matiarî movanie, na aakwire ta mûndû aûragîtwe nî eki naaî.” Nao andû onthe nîmaacokire makîmûrîrîra rîngî.

2Sam 3:36

Nao andû onthe nîmaamenyire ûguo na magîkena. Ûrîa wonthe mûthamaki eekire nîwakenirie andû.

2Sam 3:9

Ngai-Mûnene arombûraga ethîrwa tîmvingîria Daudi ûrîa Ngai-Mûnene aamwîrîîre na mwîvîtwa, atî nîakaaruta ûthamaki kuuma kûrî Saûlo na njiarwa ciake na atue Daudi mûthamaki wa Isiraeli na Juda, kuuma Dani îtûûra rîrîa rîrî mwena wa rûgûrû nginya Beerisheba îtûûra rîrîa rîrî mwena wa îveti.”

1Maû 10:12

Kwoguo arûme arîa maarî njamba nîmaathiîre na magîoca mîîrî ya Saûlo na avîcî ake na makîmîreta Jabeshi. Nîmaacokire makîthika mavîndî mao rungu rwa mûtî wa mûvuru kûu Jabeshi na nîmeenyerekirie vandû va mîthenya mûgwanja.

Jeremia 16:7

Gûtirî mûndû ûkaarîcanîra kana anyunyanîra na mûndû wa wonthe ûkuîrîrîtwe, nîguo amûmîrîrie. Wana gûtirî mûndû wana ûrîkû ûkaaringwa nî ntha nîûndû wa mûndû ûrîa ûkuîrîrîtwe nî îthe kana ng'ina.

Ezek 24:17

Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Ezek 24:22

Mûgeeka wata ûguo nie nekire. Mûtigekunîke mothiû menyu kana mûrîe irio irîa irîcagwa vîndî ya macakaya.

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

Atir 20:26

Andû onthe a Isiraeli nîmaacokire makîthiî Betheli na magîcakaîra kuo. Nîmeekarire mbere ya Ngai-Mûnene kuo na makîînyerekia nginya kîvwaî na nîmaarutîre Ngai-Mûnene magongoona ma kûvîvua na ma thayû.

Ruthu 1:17

Kûrîa ûgaakuîra nîkuo ngaakuîra na nwakuo ngaathikwa. Ngai-Mûnene aromverithie kûngîkaagîa ûndû ûngîtûma tûtigane nawe tiga gîkuû.”

1Sam 3:17

Nake Eli nîwaûririe Samueli atîrî, “Ngai-Mûnene arakwîrire atîa? Mbîra maûndû monthe. Ngai nîagaakûverithia mûno ethîrwa tî ûmbîra maûndû monthe marîa arakwîrire.”