2Sam 3:32 - ÎVUKU RÎA ÛVORO MWARO

³² Abineri nîwathikirwe kûu Heburoni, nake mûthamaki na andû onthe nîmaarîrire maugîrîrîtie marî vau mbîrîrarî.

2Sam 3:32 ပူးပေါင်းရင်းမြစ်များ

2Sam 1:12

Nîmaacakaire, makîrîra, na makîîvinga kûrîa irio nginya kîvwaî nîûndû wa Saûlo na Jonathani, na nîûndû wa Aisiraeli, andû a Ngai-Mûnene nîûndû eengî ao nîmaûragîrîtwe mbaararî.

2Sam 18:33

Mûthamaki nîwamakire mûno. Nîwathiîre nyombarî îrîa yarî îgûrû rîa kîvingo na akîrîrîra Abusalomu. Aathiîre akîrîraga akiugaga atîrî, “Wûi mûvîcîwa! Mûvîcîwa Abusalomu! Wûi Abusalomu mûvîcîwa! Naarî kethîrwa nînie nîrakuire vandûrî vaku, mûvîcîwa! Abusalomu mûvîcîwa!”

2Sam 4:12

Daudi nîwarutire watho, na athigari ake nîmaaûragire Rekabu na Baana na magîtinia njara ciao vamwe na magûrû na makîmacuria vandû vakuvî na karia kûu Heburoni. Nwatî nîmoocire kîongo Kîam Ishiboshethu na magîkîthika mbîrîrarî ya Abineri kûu Heburoni.

Ayubu 31:28

ûcio wanaguo nî wîvia wa gûtuîrwa kûragwa, nîûndû nîngîthîrwa ndarî mwîvokeku kûrî Ngai ûrîa ûrî îgûrû.

Ayubu 31:29

Nie ndianakena nîûndû wa gûcûkangua kwa nthû ciakwa; kana ngena manyitwa nî mathîna.

Nthi 24:17

Ndûgakene rîrîa nthû yaku yagwa, na ndûgakene rîrîa nthû yaku yavîngwa.

1Sam 30:4

Daudi na andû ake nîmaambîrîrie kûrîra nginya makathirîrwa nî vinya.