2Sam 3:31 - ÎVUKU RÎA ÛVORO MWARO

³¹ Nake Daudi nîwerire Joabu na andû ake matembûrange nguo ciao, mekîre nguo cia macakaya na marîrîre Abineri. Nao makîthiî kûmûthika, mûthamaki Daudi nîwaumire îthandûkû rîrîa rîekîrîtwe mwîrî wa Abineri vuva.

2Sam 3:31 ပူးပေါင်းရင်းမြစ်များ

Kîam 37:29

Rîrîa Reubeni aacokire îrimarî na akîthîra Josefu atarî kuo, nîwegwire kîeva na agîtembûranga nguo ciake.

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

2Sam 1:11

Daudi na andû arîa maarî nake nîmaatembûrangire nguo ciao nîûndû wa kîeva.

2Sam 1:2

Naguo mûthenya wa kathatû mwanake ûmwe nîwaûkire aumîte kûrîa Saûlo maambîte magema. Eekîrîte nguo ino ndembûkangu na ageîtîrîria mûthetu kîongorî gîake. Rîrîa mwanake ûcio aakinyire kûrî Daudi, nîwenamîrîrie ûthiû wake nthî na gîtîîo mbere yake.

1Atha 20:31

Ndungata ciake nîciamwîrire atîrî, “Nîtwîguîte atî athamaki a Isiraeli marî ntha. Twîtîkîrie twîrigice nguo cia macakaya ciûnorî cietû na twîrigice mîkanda ngingorî cietû tûthiî kûrî mûthamaki wa Isiraeli, avota kûrega gûkûûraga.”

1Atha 21:27

Rîrîa Elija aarîkirie kwîra Ahabu ûguo, Ahabu nîwatembûrangire nguo ciake, agîkîra nguo cia macakaya na akînyerekia. Nîwamamaga ekîrîte nguo cia macakaya na akathiîcaga kûndû na kûndû arî na kîeva.

2Atha 19:1

Rîrîa mûthamaki Hezekia eegwire ûrîa mûnene wa Asîria aaugîte, nîwatembûrire nguo ciake na marûrû, nîwekîrîre nguo ya macakaya na akîthiî hekarûrî ya Ngai-Mûnene.

2Atha 19:2

Nîwatûmire Eliakimu, mûmenyereri wa mûciî wa mûthamaki, Shebuna, mwandîki, na athînjîri-Ngai arîa akûrû, kûrî mûrathi Isaia, mûvîcî wa Amozu. Wanao meekîrîte nguo cia macakaya.

Luka 7:14

Jesû nîwacokire akîthiî na akîvutia îthandûkû rîa mûndû ûcio wakuîte na andû arîa maarîkuuîte makîrûngama. Nake Jesû akiuga atîrî, “Kamwana gaka nie nakwîra ûramûke.”

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

Atir 11:35

Rîrîa Jefitha aamwonire, nîwatembûrangire nguo ciake nîûndû wa kîeva na akiuga atîrî, “Ûûi, mwarîwa! Nîwambûraga ngoro! Nîwatûma nyitwa nî mathîna meengî mûno. Nînerîrîre Ngai-Mûnene na mwîvîtwa na ndingîvota kûregana naguo!”