2Sam 3:1 - ÎVUKU RÎA ÛVORO MWARO

¹ Mbaara nîyathiîre na mbere kavinda karaca gatagatîrî ka andû arîa maarî mwena wa Saûlo na arîa maarî mwena wa Daudi. Daudi na andû ake nîmaakîrîrîrie kûgîa vinya, nwatî Saûlo na andû ake magîkîrîrîria kûthira vinya.

2Sam 3:1 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

2Sam 2:17

Nî gwacokire gûkîgîa na mbaara nene mûno mûthenya ûcio, na Abineri na Aisiraeli nîmaavootirwe nî andû a Daudi.

2Sam 2:28

Joabu nîwavuvire karumbeta nao andû ake onthe magîtiga kûvinyûria Aisiraeli, na kwoguo mbaara nîyathirire.

2Sam 22:44

Nîwe wamvonokirie kuuma kûrî andû arîa maangararagia, ûkîndua mûnene wa ndûrîrî. Andû arîa ndaaicî nîmaatuîkire ndungata ciakwa.

2Sam 3:6

Mbaara wa îkîthiîcaga na mbere gatagatîrî ka andû Daudi na andû a Saûlo, Abineri nîwakîrîrîrie kûgîa na vinya arî mûciî gwa Saûlo.

2Sam 5:10

Daudi nîwathiîre na mbere kûgîa na vinya nîûndû Ngai-Mûnene, Ngai mwene vinya wonthe aarî vamwe nake.

1Atha 14:30

Vîndî îo yonthe Rehoboamu na Jeroboamu maatûûraga marûaga.

1Atha 15:16

Asa mûthamaki wa Juda na Baasha, mûthamaki wa Isiraeli maatûûraga marûaga îvindarî rîao rîonthe rîrîa maarî athamaki.

1Atha 15:32

Asa, mûthamaki wa Juda na Baasha, mûthamaki wa Isiraeli maatûûraga marûaga îvindarî rîao rîonthe rîrîa maarî athamaki.

1Maû 11:9

Daudi nîwathiîre na mbere akîgîcaga na vinya mûno nîûndû Ngai-Mûnene mwene vinya wonthe nîwamûtethagia.

1Maû 3:1

Ûyû nîguo mûtaratara wa anake a Daudi arîa aaciarire arî Heburoni. Mûvîcî wa îrikithathi aarî Amunoni. Ng'ina aarî Ahinoamu kuuma Jezireeli. Wa kaîrî nî Danieli na ng'ina eetagwa Abigaeli kuuma Karimeli.

Esita 6:13

Hamani nîwerire mûka na arata ake onthe maûndû monthe marîa mekîkîte kûrî ke. Mûka na arata acio ake aûgî nîmaamwîrire atîrî, “Moridekai nîagûtuîka mûnene vandûrî vaku. Ke nî Mûyahudi na ndûngîmûvoota. Nwa nginya akûvoote.”

Esita 9:4

Moridekai aarî mûndû mûnene mûno mûciî kwa mûthamaki na ngumo yake nîyatambîte matûûrarî monthe na ûvoti wake nîwongerekaga.

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Ayubu 8:7

Wana ethîrwa wambîrîrie ûtûûro ûtarî na kîndû, vuvarî ûkethîrwa ûrî na indo nyîngî.

Thaburi 18:43

Nîwamvonokirie kuuma kûrî andû arîa maareganaga nanie, na ûkîndua mûtongoria wa mavûrûri, andû ndaaicî nîmaatuîkire ndungata ciakwa.

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Thaburi 84:7

Nîmathiîcaga na mbere kûgîa vinya, nîmakoona Ngai ûrîa mûnene gûkîra ngai irîa kûu Zayuni.

Agal 5:17

Nîûndû merirîria ma mwîrî nîmareganîte na wendi wa Roho, naguo wendi wa Roho nîûreganîte na merirîria ma mwîrî. Mwîrî na Roho nîireganîte. Kwoguo mûtingîvota gwîka wa ûrîa mûkwenda.

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

Kûguû 6:2

Nînaroririe na ngîona mbarathi ya rangi njerû. Nake ûrîa wathiîte amîkarîrîte nîwanyitîte ûta, nake nîwaverwe nthûmbî. Nake ûcio wathiîte amîkarîrîte aathiîte ta mûvootani athiîte kûvootana.