2Sam 24:7 - ÎVUKU RÎA ÛVORO MWARO

⁷ Nîmaacokire makîthiî îtûûra rîrîa rîarî ririgîre rîa Turo na makîthiî matûûrarî monthe ma Ahivi na Aakanaani, na mûthiiarî nîmaathiîre mwena wa îveti wa Juda.

2Sam 24:7 ပူးပေါင်းရင်းမြစ်များ

2Sam 24:2

Kwoguo mûthamaki Daudi nîwerire Joabu ûrîa warî mûnene wa athigari ake a mbaara atîrî, “Thiîni mîvîrîgarî yonthe ya Isiraeli kuuma mûthiia ûmwe nginya ûrîa wîngî mûrî na anene aku a athigari a mbaara mûgîtaraga andû. Nîngwenda kûmenya ûrîa megana.”

2Sam 24:8

Vuva wa mîeri kenda na mîthenya mîrongo îîrî, nîmaacokire Jerusalemu. Vîndî îo maarî arîkiu kûthiî vûrûrirî wonthe.

Zakaria 9:3

Turo nîîthiûrûrûkîrîtie na rûthingo rwa vinya mûno, îkeyûnganîria sîlûva nyîngî ta rûkûngû, na thaavu nyîngî ta ndaka njîrarî.

Josh 11:3

Jabini nîwatûmanire wana kûrî Akanaani arîa maarî mwena wa îrathîro na wa îthûîro wa rûnjî rwa Jorodani. Nîwacokire agîtûmana kûrî Amori, Ahiti, Aperizi, Ajebusi arîa maarî vûrûrirî ûrîa ûrî irîma na kûrî Ahivi arîa maatûûraga nthî ya kîrîma Kîam Herimoni vûrûrirî wa Mizipa.

Josh 19:28

Eburoni, Rehobu, Hamoni, Kana na ûkathiî nginya Sidoni îrîa nene.

Josh 19:29

Mûvaka nîwacokete ûkegata ûkathiîra Rama na ûgakinya îtûûra rîrîa ririgîre rîa Turo. Nîwacokete ûkegata ûkathiîra Hosa na ûkathirîra îriarî rîa Mediterania. Vûrûri ûcio nwa wanyitîte matûûra ma Mahalabu, Akizibu,

Josh 9:1

Ûvootani wa andû a Isiraeli nîwamenyirwe nî athamaki onthe arîa maarî mwena wa îthûîro wa Jorodani, mavûrûri marîa maarî irîmarî, ciandarî na arîa maarî rûtererî rwa îria rîa Mediterania nginya mwena wa rûgûrû wa Lebanoni. Acio onthe maarî: mûthamaki wa Ahiti, Amori, Akanaani, Aperizi, Ahivi na wa Jebusi.

Josh 9:7

Nwatî andû a Isiraeli nîmeerire Aahivi acio atîrî, “Tûngîrûtha kîrîkanîro namue atîa na nwa kwîthîrwa mûtûûraga gûkû tûrî?”

Atir 3:3

Ndûrîrî irîa ciatigirwe vûrûrirî wa Kanaani ciarî anene atano a Afilisiti, Akanaani onthe, Asidoni na Ahivi arîa maatûûraga kîrîmarî Kîam Lebanoni kuuma kîrîma Kîam Baali Herimoni nginya mwanyarî wa Hamathi.