2Sam 24:2 - ÎVUKU RÎA ÛVORO MWARO

² Kwoguo mûthamaki Daudi nîwerire Joabu ûrîa warî mûnene wa athigari ake a mbaara atîrî, “Thiîni mîvîrîgarî yonthe ya Isiraeli kuuma mûthiia ûmwe nginya ûrîa wîngî mûrî na anene aku a athigari a mbaara mûgîtaraga andû. Nîngwenda kûmenya ûrîa megana.”

2Sam 24:2 ပူးပေါင်းရင်းမြစ်များ

Kîam 21:14

Mûthenya ûcio warûmîrîrîte kîraûko tene mûno, Iburahimu nîwavere Hagari irio, na mbooro îcûrîte manjî. Nîwacokire agîkuithia Hagari mwana na akîmwîngata. Hagari nîwathiîre akîûrûraga werûrî wa Beerisheba.

2Sam 17:11

Ûrîa ngûgûtaara nî atî, ûcokanîrîrie Aisiraeli onthe vamwe kuuma Dani nginya Berisheba, mengîve ta mûthanga ûrîa wîthagîrwa ûrî rûtererî rwa îria, na ûmatongorie mbaararî we mwene.

2Sam 2:13

Nake Joabu, ûrîa ng'ina eetagwa Zeruia na ndungata icio ciîngî cia Daudi nîmaathiîre na magîtûngana na Ishiboshethu na andû ake vakuvî na karia ka Gibeoni, nao onthe magîkara nthî. Gîkundi kîmwe nîgîekarire nthî mwena ûmwe wa karia, nakîo gîkundi kîu kîngî gîgîkara mwena ûcio wîngî wa karia kau.

2Sam 20:23

Joabu nîke warî mûnene wa athigari onthe a mbaara a Isiraeli; nake Benaia mûvîcî wa Jehoiada nîke warî mûnene wa athigari arîa maarangagîra Daudi;

2Sam 23:37

Zeleki wa kuuma Amoni, Naharai wa kuuma Be-erothi, ûrîa wakuuagîra Joabu mûvîcî wa Zeruia indo cia mbaara,

2Sam 24:15

Kwoguo Ngai-Mûnene nîwatûmire kûgîe na mûthiro kûu Isiraeli kuuma kîraûko kîu nginya îvinda rîrîa aatuîte. Vûrûri ûcio wonthe kuuma Dani nginya Beeri-shiba Aisiraeli ngiri mîrongo mûgwanja nîmaakwire.

2Sam 8:16

Joabu, ûrîa ng'ina eetagwa Zeruia nîke warî mûnene wa athigari. Nake Jehoshafati mûvîcî wa Ahiludi nîke wamenyagîrîra mandîko.

1Maû 21:2

Kwoguo Daudi nîwerire Joabu na anene acio engî atîrî, “Thiîni mûgatare Aisiraeli, kuuma Beeri-shiba nginya Dani nîûndû nîngwenda kûmenya ûrîa megana.”

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Jeremia 17:5

Ngai-Mûnene arauga atîrî, “Kûgwatwa nî kîrumi nî mûndû ûrîa wîvokaga mûndû, na akevoka vinya wake wa mwîrî, na ûrîa ngoro yake îreganîte na Ngai-Mûnene.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.