2Sam 24:17 - ÎVUKU RÎA ÛVORO MWARO

¹⁷ Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

2Sam 24:17 ပူးပေါင်းရင်းမြစ်များ

Kîam 18:23

Iburahimu nîwathiîre kûrî Ngai-Mûnene na akîmûria atîrî, “Ûgacûkangia andû arîa acûku wa vamwe na arîa aro?

Kîam 44:33

Kwoguo mwathi wakwa, tiga mbîkare gûkû nîrî ngombo yaku vandûrî va mwanake ûcio. Mwîtîkîrie acoke na aa mûrwang'ina.

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 22:17

Mikaia nîwacokirie atîrî, “Nînoonire andû onthe a Isiraeli manyaganîte irîma ta ng'ondu itarî na mûrîthi. Nake Ngai-Mûnene nîwaugire atîrî, ‘Andû aya matirî na mûtongoria; nîmacoke wa mûndû gwake mûciî na thayû.’ ”

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Ayubu 7:20

Ethîrwa nînjîvagia, ûturagwa nîkî we ûtuîragia ngoro cia andû? Ûnduîte kîndû gîa kwîthima cava nîkî? Nduîkîte mûrigo kûrî we nîkî?

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Thaburi 44:11

Nîûtûmîte twîkare ta ng'ondu ithiîte kûthînjwa; na nîûtûnyaganîtie mavûrûrirî marîa mengî.

Thaburi 74:1

Nîkwa Ngai ûtûtiganîrîtie ûguo nîkî? Nîûtûûra ûrakarîte nî andû aku?

Thaburi 78:71

Aamûrutire wîra wa kûrîthia ng'ondu na twana twa ng'ondu, nîguo atuîke mûthamaki wa Isiraeli, na arîthagie andû a Ngai.

Ntha 10:16

Mûthamaki wa Misiri nîwacokire agîîta Musa na Aroni na îvenya na akîmera atîrî, “Nie nînjîvîtie mbere ya Ngai-Mûnene, Ngai wenyu na ngevia mbere yenyu.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jona 1:12

Nake Jona nîwamerire atîrî, “Mbocani mûmbikie îriarî na îria nîrîkûvorera; nîûndû nîmbicî nama atî nînie nîratûma mûthînue nî kîvuvûkanio kînene mûrî gûkû îriarî.”

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Ndari 16:22

Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”