2Sam 23:8 - ÎVUKU RÎA ÛVORO MWARO

⁸ Mama nîmo marîîtwa ma athigari a Daudi arîa maarî îgweta: Wa mbere aarî Joshebu-bashebethu wa kuuma Takemoni. Joshebu-bashebethu nîke warî mûnene wa anene arîa engî a athigari a mbaara arîa meecîkene ta “Njamba ithatû”, Joshebu-bashebethu nîwarûire na andû magana manana na akîmaûraga onthe na îtumû rîake.

2Sam 23:8 ပူးပေါင်းရင်းမြစ်များ

2Sam 10:7

Rîrîa Daudi eegwire ûvoro ûcio, nîwamatûmîre Joabu na athigari a mbaara onthe arîa maarî njamba.

1Atha 1:8

Nwatî Zadoku mûthînjîri-Ngai, Benaia mûvîcî wa Jehoiada, Nathani mûrathi, Shimei, Rei na arûme arîa maagitagîra Daudi matiarûmîrîra Adonija.

1Maû 11:10

Ûyû nîguo mûtaratara wa athigari a mbaara a Daudi arîa maarî atongoria. Atongoria aya vamwe na andû onthe a Isiraeli nîmaanyitire ûthamaki wa Daudi mbaru na makîmûtethia gûtuîka mûthamaki ûrî na vinya kûringana na ûrîa Ngai-Mûnene eeranîrîte.

1Maû 27:1

Ûyû nîguo mûtaratara wa andû a Isiraeli, atongoria a mîciî, anene a athigari ngiri a mbaara na a magana, na anene arîa maatungataga mûthamaki. Wa mweri, gîkundi Kîam andû ngiri mîrongo îîrî na inya (24,000) nîkîethagîrwa gîgîtungata kîrî rungu rwa mûnene ûrîa wathuurîtwe mweri ûcio.

1Maû 27:2

Jashobeamu mûvîcî wa Zabudieli nîke warî mûnene wa gîkundi Kîam mbere, mweri wa mbere kîrî na andû ngiri mîrongo îîrî na inya (24,000).

1Maû 27:32

Jonathani, îthe mûnini wa mûthamaki Daudi aarî mûndû warî na ûûgî wa gûtaarana na mûndû warî mûthomu. Ke na Jehieli mûvîcî wa Hakimoni nîo maarî amenyereri a avîcî a mûthamaki.

Atir 15:15

Nîwacokire akîona îvîndî rîa rûthîa rwa mvunda yakuîte îvinda rîtaarî îraca. Nîwarîocire na akîûraga arûme ngiri îmwe narîo.