2Sam 23:34 - ÎVUKU RÎA ÛVORO MWARO

³⁴ Elifeleti mûvîcî wa Ahasibai wa kuuma Maaka, Eliamu mûvîcî wa Ahithofeli wa kuuma Gilo,

2Sam 23:34 ပူးပေါင်းရင်းမြစ်များ

2Sam 10:6

Rîrîa Aamoni moonire atî nîmatuma ûthû na Daudi, nîmaakomborire athigari ngiri mîrongo îîrî cia Sîria kuuma Bethireehobu na Zoba, athigari ngiri îkûmi na igîrî kuuma Tobu, na mûthamaki wa Maaka na athigari ake ngiri îmwe.

2Sam 10:8

Nao Aamoni nîmaathiîre marî na indo ciao cia mbaara na makîrûngama kîvingorî Kîam Raba. Raba rîarî îtûûra rîao rîrîa rînene. Nao andû a Sîria na andû arîa maaumîte Tobu wa vamwe na arîa maaumîte Maaka nîmaarûngamire kûu maarî werûrî.

2Sam 11:3

Kwoguo Daudi nîwatûmire mûnjaama agatuîrie amenye ûvoro wîgiî mûndûmûka ûcio. Nake mûnjaama ûcio nîwamenyire atî mûndûmûka ûcio aarî Bathisheba mwarî wa Eliamu, na aarî mûndûmûka wa Uria ûrîa Mûhiti.

2Sam 15:12

Rîrîa Abusalomu aarutaga magongoona, nîwatûmanîre Ahithofeli, ûrîa wekaraga îtûûrarî rîa Gilo Ahithofeli aarî ûmwe wa andû arîa mataaraga mûthamaki Daudi. Mûvango wa mûgomo nîwathiîre na mbere kûgîa vinya, nao andû arîa maarî mwena wa Abusalomu nîmathiîre na mbere kwongerereka.

2Sam 15:31

Rîrîa Daudi aamenyithirue atî Ahithofeli nîanyitanîrîte na Abusalomu nîguo magomere mûthamaki, nîwavoire akiugaga atîrî, “Ngai-Mûnene nakûthaitha ûgarûre ûûgî wonthe wa ûtaarani wa Ahithofeli ûtuîke ûrimû!”

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

2Sam 20:14

Sheba nîwavîtûkîrîre vûrûrirî kûrîa kwarî na mîvîrîga yonthe ya Isiraeli na agîkinya îtûûrarî rîa Abeli-bethi Maaka, nao andû onthe a mûvîrîga wa Bikiri nîmaaûnganire vamwe na makîmûrûmîrîra kûu îtûûrarî.

Gûco 3:14

Jairi, mûvîcî wa Manase nîwocire gîcunjî kîonthe Kîam Arigobu, nginya mûvakarî wa Ageshuri na mûvakarî wa andû a Maka. Nîwetanirie icunjî icio na rîîtwa rîake ke mwene, Havothu-jairi. Ûguo nîguo gûtwîre gwîtagwa nginya ûmûnthî.)

1Sam 26:6

Daudi nîwaûririe Ahimeleku ûrîa Mûhiti na Abishai mûrwang'ina na Joabu (ng'ina eetagwa Zeruia) atîrî, “Nî ûrîkû gatagatîrî kenyu muoîrî tûkûthiî nake îgemarî rîa Saûlo?” Nake Abishai nîwacokirie atîrî, “Nî nie.”