2Sam 23:19 - ÎVUKU RÎA ÛVORO MWARO

¹⁹ Abishai nîke warî îgweta mûno gatagatîrî ka njamba icio mîrongo îthatû. Kwoguo nîwatuîkire mûtongoria wao, nwatî ndaarî na îgweta înene ta njamba irîa ithatû.

2Sam 23:19 ပူးပေါင်းရင်းမြစ်များ

2Sam 23:13

Rîrîa maketha maarî vakuvî kwambîrîria, anene athatû gatagatîrî ka athigari a mbaara arîa meecîkene ta “Njamba Mîrongo îthatû” nîmaathiîre na magîkinya ngurungarî ya Adulamu kûrîa Daudi aarî. Vîndî îo athigari a Afilisiti maambîte magema mao Kîandarî Kîam Refaimu.

2Sam 23:16

Andû acio athatû maarî îgweta nîmaavîtûkanîrie kûrîa Afilisiti maatûûraga, magîtava manjî kuuma kîthimarî, na makîvirîra Daudi. Nwatî Daudi ndaanyua manjî mau. Vandû va ûguo, aameetûrûrire nthî rîrî îtega kûrî Ngai-Mûnene

2Sam 23:18

Abishai mûrwang'ina na Joabu (arîa ng'ina eetagwa Zeruia) nîke warî mûtongoria wa athigari acio meecîkene ta njamba mîrongo îthatû. Nîwarûire na andû magana mathatû arî na îtumû rîake na akîmaûraga. Nîûndû wa ûguo, nîwacokire akîgîa îgweta înene gatagatîrî ka “Njamba icio mîrongo îthatû.”

2Sam 23:20

Benaia mûvîcî wa Jehoiada wa kuuma Kabuzeeli, aarî mûthigari wîngî warî îgweta. Nîwekire ciîko nyîngî cia ûcamba. Imwe ciacio nî ta ino: nîwaûragire athigari aîrî maarî îgweta a Moabu. Vîndî îmwe kwarî na mbaravu, nîwathiîre na agîtonya îrimarî na akîûragîra mûnyambû kuo.

2Sam 23:9

Mûndû wa kaîrî gatagatîrî ka andû arîa maarî îgweta aarî Eleazaru mûvîcî wa Dodo. Eleazaru aarî wa mbarî ya Ahohi. Vîndî îmwe Eleazaru marî na Daudi nîmaaruire na Afilisiti arîa maaûnganîte nîguo marue na Aisiraeli. Aisiraeli nîmeetigîre na makîûra,

1Maû 11:25

Nîwavetwe gîtîîo mûno gatagatîrî ka athigari arîa mîrongo îthatû maarî njamba, nwatî ndaanatuîka ta arîa athatû. Daudi nîwamûtwire mûrûngamîrîri wa athigari arîa maamûgitagîra.

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Mathaayo 13:8

Nwatî mbeû ciîngî nîciagwîre mûtheturî ûrîa warî mûnoru na igîciara mûno; imwe nîciaciarire maita îgana, ciîngî igîciara maita mîrongo îtandatû, na ciîngî igîciara maita mîrongo îthatû.”

1Akor 15:41

Riûa rîrî riiri wa mûthemba warîo, mweri riiri wa mûthemba wîngî, na njata nacio ikethîrwa na riiri wa mûthemba wîngî. Na wa njata nayo îrî riiri wa mûthemba wayo.