2Sam 23:12 - ÎVUKU RÎA ÛVORO MWARO

¹² Nwatî Shama nîwarûngamire mûgûndarî ûcio, akîûgitîra, na akîûraga Afilisiti. Ngai-Mûnene nîwatûmire ûvootani mûnene wonekane mûthenya ûcio.

2Sam 23:12 ပူးပေါင်းရင်းမြစ်များ

2Sam 23:10

nwatî Eleazaru nîwarûire na Afilisiti nginya njara yake îkînoga na îkîûmagara ûndû îtangîavotire kûrekia rûviû rûrîa aanyitîte. Ngai-Mûnene nîwatûmire ûvootani mûnene wonekane mûthenya ûcio. Mbaara yathira Aisiraeli nîmaacokire varîa Eleazaru aarî na magîoca indo irîa ciatigîtwe nî andû arîa maaûragîtwe.

1Maû 11:13

Eleazaru nîwarûire arî mwena wa Daudi mbaararî îrîa yarî Pasidamimu kûrîa Afilisiti maagomanîte nîguo marûe na Aisiraeli. Vau vaarî na mûgûnda wa cairi, nao Aisiraeli nîmaaûrire nî Afilisiti.

Thaburi 3:8

Ûvootani umaga kûrî Ngai-Mûnene; irathimo ciake irogîa kûrî andû aku.

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Nthi 21:31

Mbarathi nwa îvarîrîrue nîûndû wa mbaara, nwatî Ngai-Mûnene nîke ûvotithanagia kûvootana.