2Sam 23:10 - ÎVUKU RÎA ÛVORO MWARO

¹⁰ nwatî Eleazaru nîwarûire na Afilisiti nginya njara yake îkînoga na îkîûmagara ûndû îtangîavotire kûrekia rûviû rûrîa aanyitîte. Ngai-Mûnene nîwatûmire ûvootani mûnene wonekane mûthenya ûcio. Mbaara yathira Aisiraeli nîmaacokire varîa Eleazaru aarî na magîoca indo irîa ciatigîtwe nî andû arîa maaûragîtwe.

2Sam 23:10 ပူးပေါင်းရင်းမြစ်များ

2Sam 23:12

Nwatî Shama nîwarûngamire mûgûndarî ûcio, akîûgitîra, na akîûraga Afilisiti. Ngai-Mûnene nîwatûmire ûvootani mûnene wonekane mûthenya ûcio.

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

1Maû 11:13

Eleazaru nîwarûire arî mwena wa Daudi mbaararî îrîa yarî Pasidamimu kûrîa Afilisiti maagomanîte nîguo marûe na Aisiraeli. Vau vaarî na mûgûnda wa cairi, nao Aisiraeli nîmaaûrire nî Afilisiti.

Thaburi 108:13

Ngai arî mwena wetû nîtûkaavootana; nîke ûgaakinyangîra nthû cietû nthî.

Thaburi 144:10

We nîûvecaga athamaki ûvootani, nîwe ûtethûraga Daudi, ndungata yaku.

Thaburi 68:12

“Athamaki na athigari ao a mbaara nîmaraûra!” Aka arîa maarî mîciî nîmaagaanire indo irîa ciatavîtwe,

Isaia 53:12

Kwoguo nîngaava ndungata yakwa gîtîîo ta Kîam anene, na magaane indo irîa itavîtwe na arîa marî vinya, nîûndû nîyevecanire îkue, na îgîtaranîrua na imaramari. Kûnarî ûguo, nîwakuuire mevia ma andû eengî, na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.

Aroma 15:18

Ngaaragia tu nîrî na ûmîrîru ûvororî wîgiî ûrîa Kristû ekîte kûrî nie, akandûmîra nîguo andû a Ndûrîrî mathîkîre Ngai na njîra ya ciugo na ciîko ciakwa,

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.

Josh 10:10

Ngai-Mûnene nîwatûmire Amori mamake mona athigari a mbaara a Isiraeli. Athigari a Isiraeli nîmaaûragire eengî kûu Gibeoni na nîmaavinyûririe mavîtûkîrîrîte mwanyarî wa kîrîma vandû vetagwa Bethi-horoni. Nîmaathiîre na mbere kûmatharîkîra nginya mwena wa îveti matûûrarî ma Azeka na Makeda.

Josh 10:42

Joshua nîwavootire athamaki acio onthe na mavûrûri mao na mbaara ya riita rîmwe nîûndû Ngai-Mûnene, Ngai wa Isiraeli nîke wamarûagîrîra.

Josh 11:8

Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

Atir 15:14

Rîrîa aakinyire Lehi, Afilisiti nîmaavinyûrire na kûrîa aarî makîmugagîrîria. Naguo roho wa Ngai-Mûnene nîwamwîkîrire vinya wa rîmwe na agîtucanga mîkanda îrîa yamwovanîtie njara. Yatuîkangire îkîgûcaga nthî ta mûvûra ûvîvîtue nî mwaki.

Atir 15:18

Samusoni nîwacokire akînyonda mûno, kwoguo nîwetire Ngai-Mûnene na akîmwîra atîrî, “Nîwe ûmvotithîtie kûvootana na ûvootani mûnene ûguo. Rîu nîkwa ûrenda ngue nî nyonda na nyitwe nî Afilisiti aya mataruaga?”

1Sam 11:13

Nwatî Saûlo nîwamerire atîrî, “Ûmûnthî gûtirî mûndû ûkûûragwa, nîûndû ûmûnthî nîguo mûthenya ûrîa Ngai-Mûnene avonokia andû a Isiraeli.”

1Sam 14:23

Nao nîmaarûire mbaara îo na makîvîtûka Bethaveni. Nake Ngai-Mûnene nîwavonokirie andû a Isiraeli mûthenya ûcio.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:53

Rîrîa Aisiraeli maacokire maumîte kwîngata Afilisiti, nîmoocire indo cionthe irîa ciarî kûrîa Afilisiti maambîte magema.

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”