2Sam 23:1 - ÎVUKU RÎA ÛVORO MWARO

¹ Daudi mûvîcî wa Jesse, aarî mûndû watûgîrîtue mûno nî Ngai, na nîke Ngai wa Jakovu aathuurire nîguo atuîke mûthamaki. Daudi nîke watungîre Aisiraeli nyîmbo mbaro mûno cia thaburi. Ino nîcio ciugo cia mûthiia cia Daudi:

2Sam 23:1 ပူးပေါင်းရင်းမြစ်များ

Kîam 49:1

Jakovu nîwetire anake ake na akîmera atîrî, “Tacokanîrîrani vamwe nîmwîre maûndû marîa mageekîka kûrî mue vuvarî.

2Sam 22:34

Nîatûmaga mvinyûre ta nthwariga, nîangitagîra nîrî îgûrû rîa kîrîma.

2Sam 22:51

Ngai-Mûnene nîatûmaga mûthamaki wake agîe na ûvootani mûnene. Nîwonanagia wendo wake ûtathiraga kûrî mûndû ûrîa ke athuurîte, kûrî Daudi na njiarwa ciake tene na tene.

1Maû 16:7

Vîndî îo nîrîo Daudi aathuurire Asafu na andû ao na akîmava wîra wa kwina nyîmbo cia gûkumia Ngai-Mûnene.

1Maû 16:9

Inani nyîmbo cia gûkumia Ngai-Mûnene, menyithaniani maûndû make ma magegania!

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 72:20

Ûcio nîguo mûthiia wa mavoya ma Daudi, mûvîcî wa Jesii.

Thaburi 89:20

Nîmonete Daudi ndungata yakwa, nîmwamûrîte na ngamwîtîrîria maguta makwa matheru.

Thaburi 89:21

Vinya wakwa ûkethagîrwa nake vîndî cionthe, ûvoti wakwa ûkaamwîkagîra vinya.

Amosi 6:5

Mwendaga kwina nyîmbo mûkîvûraga ngita, mûgîtungaga nyîmbo njerû ta irîa mûthamaki Daudi aatungire.

Luka 20:42

Daudi ke mwene augîte îvukuurî rîa thaburi atî, ‘Ngai-Mûnene nîwerire Mwathani wakwa atîrî: Îkara nthî mwena wakwa wa ûrîo,

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

Jakuvu 5:13

Nîkûrî mûndû wana ûmwe gatagatîrî kenyu wî na mathîna? Nîwagîrîrwe nî kûvoya. Nîkûrî na mûndû wana ûmwe gatagatîrî kenyu wî na gîkeno? Nîwagîrîrwe kwina nyîmbo cia ûkumio.

1Sam 17:12

Daudi aarî mwanake wa Jesii. Nake Jesii aarî Mûefiratha wa kuuma Bethilehemu kûu Juda. Jesii aarî na anake anana na rîrîa Saûlo aarî mûthamaki Jesii nîwatûûrîte mîaka mîîngî na agatuîka mûthuuri mûkûrû mûno.

1Sam 18:7

Nao magîkûngûîra, aka maainaga magîcokanagîria makiugaga atîrî, “Saûlo nîaûragîte andû ngiri nyîngî nwatî Daudi aûragîte ngiri makûmi meengî.”

1Sam 2:10

Ngai-Mûnene nîagacûkangia nthû ciake, nîakaairiva na mûgambo ta wa ngwa arî îgûrû. Ngai-Mûnene nîagaacirithia andû onthe a nthî, na ave mûthamaki ûrîa ke athuurîte ûvoti, amûve vinya wa kûvootana.”