2Sam 22:45 - ÎVUKU RÎA ÛVORO MWARO

⁴⁵ Andû a ndûrîrî nîmanyînamagîrîra, na rîrîa megua mûgambo wakwa nîmambathîkagîra.

2Sam 22:45 ပူးပေါင်းရင်းမြစ်များ

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Thaburi 81:15

Andû arîa manthûrîte mangîenamîrîre mbere yakwa nî guoya; na îvera rîao rîngîgaatûûra tene na tene.

Isaia 56:3

Mûgeni ûrîa wîgiritanîtie na Ngai-Mûnene ndagîrîrwe nî kuga atîrî, “Nama, Ngai-Mûnene nîakûnyamûrania na andû ake.” Nake mûndûmûrûme ûrîa ngaramba ndagîrîrwe nî kuga atîrî, “Nie mbîkariî ta mûtî ûyû mûmû.”

Isaia 56:6

“Nao andû ageni arîa megiritanîtie na andû akwa nie Ngai-Mûnene, arîa mamendete, mandungatagîra, arîa mamenyagîrîra thavatû matakûmîcûkia na marûmagîrîra kîrîkanîro gîakwa na kinyi marî na wîvokeku,

Ciîko 8:13

Simoni wanake nîwetîkirie. Nake arîkia kûvatithua nîwaumire Filipu vuva na akîmaka mûno vîndî îrîa oonire maûndû ma magegania na ciama irîa Filipu aaringaga.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”