2Sam 22:4 - ÎVUKU RÎA ÛVORO MWARO

⁴ Ngaagîra Ngai-Mûnene, ûrîa wagîrîrwe nî kûgoocwa! Nîamvonokagia kuuma kûrî nthû ciakwa.

2Sam 22:4 ပူးပေါင်းရင်းမြစ်များ

2Maû 20:22

Rîrîa maambîrîrie kwina, Ngai-Mûnene nîwatûmire athigari a mbaara a Aamoni, Moabu na a Edomu arîa maaûkîte kûtharîkîra andû a Juda mavîngîcîke na nîmaavootirwe.

Nehemia 9:5

Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Thaburi 106:2

Nîûrîkû ûngîtaarîria maûndû manene marîa Ngai-Mûnene ekîte? Nîûrîkû ûngîvota kûmûkumia ûrîa kwagîrîrîte?

Thaburi 116:13

Nîngaarutîra Ngai-Mûnene îtega rîa gîkombe Kîam ûvonokio, na ngaîre rîîtwa rîake nîûndû wa kûmvonokia.

Thaburi 116:17

Nîngûkûrutîra îgongoona rîa gûcokia ngatho, na ngaîre rîîtwa rîaku.

Thaburi 116:2

Ke nîanthikagîrîria, kwoguo nîndûûra nîmûkayagîra vîndî cionthe.

Thaburi 116:4

Nînacokire ngîkaîra rîîtwa rîa Ngai-Mûnene: “Ûûi Ngai-Mûnene, nakûthaitha ûmvonokie!”

Thaburi 18:3

Mbîtaga Ngai-Mûnene ûrîa wagîrîrwe nî gûkumua andethie, na nîamvonokagia kuuma kûrî nthû ciakwa.

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 55:16

Nwatî nînîrakaîra Ngai, na Ngai-Mûnene nîakûmvonokia.

Thaburi 56:9

Rîrîa nagwîtia ûtethio we Ngai, nthû ciakwa nîikaavootwa, Nîmbicî atî Ngai arî mwena wakwa.

Thaburi 66:2

Inani mûgîkumagia vinya wa rîîtwa rîake; kumiani riiri wake!

Thaburi 96:4

Ngai-Mûnene, nî mûnene na nîwagîrîrwe nî gûkumua mûno; nîagîrîrwe nî gwîtigîrwa gûkîra ngai cionthe.

Aroma 10:13

Nîûndû Mandîko Matheru maugîte atîrî, “Mûndû wa wonthe ûgaakaîra Ngai-Mûnene nî akaavonoka.”

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”

Kûguû 5:12

Nao nîmaainaga maugîrîrîtie makiugaga atîrî: “Gatûrûme karîa kaaûragirwe nîkagîrîru ga kwamûkîra ûvoti, ûtonga, ûûgî, na vinya na gîtîîo, riiri na ngumo!”