2Sam 22:3 - ÎVUKU RÎA ÛVORO MWARO

³ Ngai wakwa nîke ûgitîri wakwa, nîthithaga kûrî ke. Nîke ngo yakwa îrîa îngitagîra, na akambîkaria na thayû. Nîke mûvonokia wakwa; angitagîra na akamvonokia kuuma kûrî maûndû marîa macûku.

2Sam 22:3 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

2Sam 22:31

Ciîko cia Ngai ûyû nî nginyanîru, nacio ciîranîro ciake nî cia kwîvokeka! Nîke ngo ya arîa onthe macaragia ûtethio wake.

2Sam 22:47

Ngai-Mûnene atûûraga mwoyo! Ke ûrîa ûngitagîra arokumua! Ngai wakwa arokumua! Ke nîke mûngitîri na ûvonokio wakwa!

2Sam 22:49

Nîke Ngai ûrîa ûmvonokagia kuuma kûrî nthû ciakwa. Ngai-Mûnene, we nîûtûmaga mvoote nthû ciakwa, na ûkangitîra kuuma kûrî andû arîa aganu.

2Sam 22:51

Ngai-Mûnene nîatûmaga mûthamaki wake agîe na ûvootani mûnene. Nîwonanagia wendo wake ûtathiraga kûrî mûndû ûrîa ke athuurîte, kûrî Daudi na njiarwa ciake tene na tene.

2Sam 23:3

Ngai wa Isiraeli nîwaririe; Ke ûrîa Mûgitîri wa Isiraeli ambîrire atîrî, “Mûthamaki ûrîa wathanaga na kîvooto, ûrîa wathanaga etigîrîte Ngai,

Thaburi 14:6

Andû arîa aganu nî macûkangagia mîvango ya andû arîa athîni, nwatî Ngai-Mûnene nîke ûmagitagîra.

Thaburi 140:1

Mvonokia we Ngai-Mûnene, kuuma kûrî andû arîa mekaga maûndû macûku; ngitîra kuuma kûrî andû arîa aganu.

Thaburi 140:11

Tiga arîa macambanagia matigekindîrie vûrûrirî, andû arîa aganu marocokererwa nî maûndû macûku na mamathirie wa rîmwe.

Thaburi 140:4

We Ngai-Mûnene, menyerera kuuma kûrî njara cia andû arîa aganu, ngitîra kuuma kûrî andû arîa aganu arîa mavangîte kûngwîthia.

Thaburi 142:4

Ndoragia mwena wakwa wa ûrîo mone, nwatî gûtirî mûndû ûtindanagîra nanie, ndirî na vandû va kûûrîra. Gûtirî mûndû ûrûmbûyanagia nanie.

Thaburi 144:2

Nî mûrata wakwa wa kwîvokeka na mûgitîri wakwa, nîangitagîra na akamvonokia, nîke ngo yakwa na nîîthithaga varî ke, nîavootaga mavûrûri na akamaiga rungu rwakwa.

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 27:5

Vîndî ya thîna nîakaangitîra, nîakaanthitha hekarûrî yake, na ambigage îgûrû vandû vagitîre.

Thaburi 28:7

Ngai-Mûnene nîke vinya wakwa na nîke ûngitagîra, ke nîke nîîvokaga. Nîandethagia na akangenia, nînîmwinagîra nyîmbo cia kûmûkumia.

Thaburi 3:3

Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.

Thaburi 32:7

Nîîthithaga kûrî we, ûkaangitagîra ndikanyitwe nî thîna. Nîngûkwinîra nîûndû wa kûmvonokia.

Thaburi 46:1

Ngai nîke mûgitîri wetû na vinya wetû, nîke ûtûtethagia vîndî cionthe rîrîa tûrî na thîna.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:2

Kwoguo tûtigeetigîra wana nthî yainaina, na irîma inginaina igwe îriarî;

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 5:12

We Ngai-Mûnene nîûrathimaga andû arîa athingu, wendo waku ûmagitagîra ta ngo.

Thaburi 55:9

We Mwathani, cûkangia mîario ya nthû ciakwa! Nînîrona waganu na ngucanio îtûûrarî.

Thaburi 59:16

Nwatî nîngaagûkumia nîûndû wa vinya waku; ngaagûkumagia iraûko cionthe nîûndû wa wendo waku ûtathiraga, nîûndû nîûtuîkîte mûgitîri wakwa, nîthithaga kûrî we vîndî îrîa nîrî na thîna.

Thaburi 61:3

nîûndû we nîwe ûngitagîra, we nîwe kûndû kûgitîre na vinya gwa kwîthitha kuuma kûrî nthû ciakwa.

Thaburi 71:7

Ûtûûro wakwa ûtuîkîte kîonereria varî andû eengî, nîûndû we wî mûgitîri wakwa ûrî vinya.

Thaburi 72:14

Nîamavonokagia kuuma kûrî arîa mamavinyagîrîria na arîa aganu, nîûndû ûtûûro wao ûrî vata mbere yake.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 84:9

We Ngai, rathima mûthamaki wetû, îguîra ntha mûthamaki ûrîa ûthuurîte.

Thaburi 86:14

We Ngai, andû arîa etîi nîmareganîte nanie; gîkundi Kîam andû aganu nîkîrenda kûmbûraga, na matiîciragia ûvoro waku wanarî vanini.

Thaburi 9:10

Arîa maicî rîîtwa rîaku nîmakwîvokete, nîûndû we Ngai-Mûnene ndûtiganagîria arîa magûcaragia.

Thaburi 9:9

Andû arîa avinyîrîrie mathiîcaga kûrî Ngai-Mûnene amagitîre, nîke vandû va kûûrîra vîndî ya thîna.

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Nthi 30:5

Maûndû monthe marîa Ngai aragia nî ma ma; ke nî ngo kûrî andû arîa mathiîcaga kûrî ke nîguo amagitîre.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 16:9

Nîûndû nie, Ngai-Mûnene Ngai wa Isiraeli nîrauga atîrî: “Nîngathiria mîgambo ya andû arîa marakena na magacanjamûka, na nthirie mîgambo ya gîkeno Kîam mûviki na mûvikania. Maûndû mama monthe ngeka mûrî mwoyo na mûkîmonaga.

Luka 1:47

na roho wakwa nî ûkenete, nîûndû wa Ngai Mûvonokia wakwa,

Luka 1:69

Nîatûvete mûvonokia ûrî na vinya, ke nî njiarwa ya Daudi ndungata yake.

Luka 1:71

atî nîagaatûvonokia kuuma kûrî nthû cietû, na nginya kuuma njararî cia andû onthe arîa matûmenete.

Gûco 32:37

Vîndî îo Ngai-Mûnene nîakaaûria andû ake, ‘ngai cienyu irîa mwevokaga imûtethie irî kû?’

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”

Tito 3:4

Nwatî rîrîa Ngai Mûvonokia wetû atwonirie wendo na ûtugi wake,

Tito 3:6

Ngai nîwatwîtîrîrie Roho Mûtheru na njîra ya Jesû Kristû mûvonokia wetû,

Ahib 2:13

Nîacokaga akauga atîrî, “Nie nîngwiga mwîvoko wakwa kûrî Ngai.” Wana nîaugaga atîrî, “Nîrî ava tûrî na ciana irîa Ngai amvete.”

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.