2Sam 22:22 - ÎVUKU RÎA ÛVORO MWARO

²² Nîmbathîkîrîte mawatho ma Ngai-Mûnene, na ndirî nagarûrûka ngatiganîria Ngai wakwa.

2Sam 22:22 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

1Atha 9:4

Ethîrwa ûkaandungatagîra ûrî na wîvokeku na ûthingu ta ûrîa aguo Daudi eekaga, na ûvingagie mawatho makwa na maûndû monthe marîa ngwathîte,

Thaburi 119:1

Kûrathimwa nî andû arîa marî mîthiîre mîrûngîrîru; arîa marûmagîrîra watho wa Ngai-Mûnene.

Thaburi 125:5

Nwatî arîa magarûrûkaga makarûmîrîra njîra ciao njûku, Ngai-Mûnene nîakaamaverithia vamwe na arîa mekaga maûndû macûku. Isiraeli kûrogîa thayû!

Thaburi 128:1

Gûkena nî andû arîa metigagîra Ngai-Mûnene, arîa marûmagîrîra njîra ciake.

Thaburi 18:1

Ngai-Mûnene, nîngwendete! We nîwe ûngitagîra.

Thaburi 36:3

Aragia maûndû macûku na ma maveeni; nîatigîte gwîka maûndû na ûûgî na gwîka maûndû maro.

Nthi 8:32

“Na rîu ciana ciakwa, nthikîrîriani, mûngîka ûrîa nîramwîra, nîmûgaakena.

Zefania 1:6

Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”

Ndari 16:15

Musa nîwarakarire mûno na akîra Ngai-Mûnene atîrî, “Ndûkamûkîre matega mao. Gûtirî kîndû wanarî kîmwe Kîamo mbocete, na ndirî mûvîtîriu mûndû wanarî ûmwe gatagatîrî kao.”

Johana 15:10

Mwathîkîra maathani makwa mûgekaraga mûrî wendorî wakwa, wata ûrîa mbathîkîrîte maathani ma Vava na ngekara nîrî wendorî wake.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”