2Sam 22:11 - ÎVUKU RÎA ÛVORO MWARO

¹¹ Aathiîte akuuîtwe nî kerubi îgûrûkîte, aakuuîtwe nî mathagu ma rûkûngi.

2Sam 22:11 ပူးပေါင်းရင်းမြစ်များ

Kîam 3:24

Ngai-Mûnene nîwengatire mûndû na akiga ciûmbe irî mwoyo cietagwa Akerubi mwena wa îrathîro wa mûgûnda wa Edeni, na rûviû rwarîrîmbûkaga mwaki na rwathiûrûrûkaga mîena yonthe. Eekire ûguo nîguo njîra îrîa îthiîte mûtîrî wa mwoyo ndîkathiîrîrwe.

2Sam 6:2

Nîwacokire akîthiî nao nginya Baala îrîa îrî Juda, nîguo makagîre îthandûkû rîa kîrîkanîro Kîam Ngai kuuma kuo. Îthandûkû rîu rîandîkîtwe rîîtwa rîa Ngai-Mûnene mwene vinya wonthe, ûrîa wîkaraga îgûrû rîa Akerubi.

Thaburi 104:3

ûtumîte mûciî waku îgûrû rîa manjî ma îgûrû. Ûtuîte matu gîkaari gîaku gîa gûkuucua, na ûthiîcaga ûtûîte mathagurî ma rûkûngi.

Thaburi 139:9

Wana nîngîgûrûka nthiî mbere ya kûrîa riûa riumaga, kana ndûûre mîvakarî ya îria,

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Thaburi 68:17

Mwathani nîwaûkire vandû varîa vatheru kuuma Sinai, arî na makiri meengî ma ikaari ciake cia mbarathi.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Ntha 25:19

Wa kerubi ethîrwe arî mwena ûmwe wa gîkunîko na marûthwe manyitanîte na gîkunîko.

Ezek 9:3

Riiri wa Ngai wa Isiraeli nîwaumîte îgûrû kûrî Akerubi kûrîa wekaraga na ûkathiî kîvingorî gîa hekarû. Ngai nîwacokire agîta mûndû ûrîa wekîrîte nguo mbaro na warî na kîndû gîa kwandîka

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.