2Sam 21:7 - ÎVUKU RÎA ÛVORO MWARO

⁷ Nwatî Daudi nîwavonokirie Mefiboshethu, mûvîcî wa Jonathani. Jonathani aarî mûvîcî wa Saûlo. Daudi aavonokirie Mefiboshethu nîûndû wa mwîvîtwa ûrîa ke mwene na Jonathani meevîtanîrîte mbere ya Ngai-Mûnene.

2Sam 21:7 ပူးပေါင်းရင်းမြစ်များ

2Sam 16:4

Mûthamaki nîwacokire akîra Ziba atîrî, “Indo cionthe irîa iraarî cia Mefiboshethu rîu nî ciaku.” Nake Ziba nîwacokirie atîrî, “Nie nîrî ndungata yaku, tiga nduîke mwagîrîru mbere yaku, we mwathi wakwa!”

2Sam 19:25

Rîrîa Mefiboshethu aakinyire aumîte Jerusalemu athiîte gûtûnga mûthamaki, mûthamaki nîwamwîrire atîrî, “Mefiboshethu, waregire tûthiî nawe nîkî?”

2Sam 4:4

Jonathani mûvîcî wa Saûlo aarî na mûvîcî wetagwa Mefiboshethu. Mefiboshethu aarî na ûkûrû wa mîaka îtano rîrîa Saûlo na Jonathani maaûragirwe. Rîrîa ûvoro wîgiî kûûragwa kwao wakinyire kuuma îtûûra rîa Jezireeli, mûndûmûka ûrîa wareraga Mefiboshethu nîwamwocire na akîûra nake. Nwatî nîûndû wa ûrîa aavinyûrîte, nîwamûgwîthirie na agîtuîka kîonje.

2Sam 9:1

Vîndî îmwe Daudi nîwaûririe atîrî, “Kûrî na mûndû wanarî ûmwe ûtigarîte wa kuuma mûciî wa Saûlo? Ethîrwa kûrî nake, nie nwa mende gwîka mûndû ûcio maûndû maro nîûndû wa Jonathani.”

2Sam 9:10

Nwatî we, anake aku na ndungata ciaku mûkaarîmagîra mîgûnda ya Saûlo, na mûkaretaga maciaro mayo, nîguo mûvîcî wa mwathi waku onage gîa kûrîa. Nwatî nie tûkarîcanagîra na Mefiboshethu vingo cionthe.” (Ziba aarî na anake îkûmi na atano na ndungata mîrongo îîrî).

2Sam 9:6

Rîrîa Mefiboshethu mûvîcî wa Jonathani ûrîa warî ûmawe wa Saûlo aakinyire kûrî Daudi, nîwenamîrîre mbere ya Daudi na gîtîîo. Nake Daudi nîwamwîtire atîrî, “Mefiboshethu,” Nake nîwamûcokerie atîrî, “Îî nîrî ava nie ndungata yaku.”

2Sam 9:7

Daudi nîwamwîrire atîrî, “Tiga gwîtigîra nîngûgwîka maûndû ma ntha nîûndû wa aguo Jonathani; na nîngûgûcokeria kîthaka kîonthe kîrîa Kîamrî Kîam ûmaguo Saûlo, na tûkaarîcanagîra nawe vingo cionthe.”

Mûvunjia 8:2

Athîkagîra mawatho ma mûthamaki, na nîûndû wa mwîvîtwa waku mûtheru ndûkaûrwe nî vinya.

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.

1Sam 20:12

Nake Jonathani nîwerire Daudi atîrî, “Ngai-Mûnene, Ngai wa Isiraeli arotuîka mûira wetû! Rûyû kana mûthenya wa kathatû îthaa wata rîîrî nîngaaûria vava ûvoro ûcio. Ethîrwa mworoto wake kûrî we nî mwaro, nîngaakûmenyithia.

1Sam 20:15

ûkaathiî na mbere kwenda andû a mûciî wakwa tene na tene. Na rîrîa Ngai-Mûnene agacûkangia nthû ciaku cionthe,

1Sam 20:17

Jonathani nîwevîtithirie Daudi rîngî na akîmwîrîra atî akaamwendaga nîûndû Jonathani nîwendete Daudi wata ûrîa eyendete ke mwene.

1Sam 20:42

Jonathani nîwacokire akîra Daudi atîrî, “Thiî na waro Ngai-Mûnene arotûtethia nie nawe, na njiarwa cietû tûtûûre tûmenyererete kîîranîro kîrîa tûrîkanîrîte nawe.” Nake Daudi nîwacokire akîthiî nake Jonathani agîcoka îtûûrarî.

1Sam 20:8

Kwoguo nînîrakûthaitha ûvingie kîrîkanîro kîtheru kîrîa twarîkanîre nawe. Nwatî ethîrwa nîmûvîtiu, mbûraga arî we! Nîûmvira kûrî aguo nîguo ambûrage nîkî?”

1Sam 23:18

Nao oîrî nîmaathondekire kîîranîro kîtheru Kîam ûrata mbere ya Ngai-Mûnene. Vuva wa ûguo, Daudi nîwekarire kûu Horeshu nake Jonathani akînûka mûciî.

1Sam 24:22

Nake Daudi nîwerîre Saûlo atî nîageka ûguo. Saûlo nîwacokire mûciî, nake Daudi na andû ake magîcoka kûrîa meethithîte.