2Sam 21:21 - ÎVUKU RÎA ÛVORO MWARO

²¹ Mûndû ûcio nîwareganire na Aisiraeli, nake Jonathani mûvîcî wa mûrwang'ina wa Daudi ûrîa wetagwa Shama akîmûraga.

2Sam 21:21 ပူးပေါင်းရင်းမြစ်များ

2Sam 13:3

Nwatî Amunoni aarî na mûratawe wetagwa Jonadabu mûvîcî wa Shama. Shama aarî mûrwang'ina na Daudi. Nake Jonadabu aarî mûndû mwara mûno.

2Sam 21:20

Nîgwacokire gûkîgîa na mbaara rîngî kûu Gathu, kûrîa kwarî na mûndû ûmwe mûnene mûno na wendeete kûrûa mûno. Wa njara îmwe ya mûndû ûcio yarî na ciara ithathatû. Nakuo wa kûgûrû kûmwe gwake kwarî na ciara ithathatû.

2Sam 21:22

Andû acio ana maarî njiarwa cia andû arîa maarî vinya mûno maatûûraga Gathu, na nîmaaûragirwe nî Daudi na andû ake.

2Atha 19:13

Athamaki a Hamathi, Aripadi, mûthamaki wa îtûûra rînene rîa Sefarivaimu, na mûthamaki wa Hena na Iva marî kû?”

1Maû 2:13

Jesii aarî na anake mûgwanja. Marûmanîrîrîte na ûkûrû wao maarî: Eliabu, Abinadabu, Shimea,

1Maû 27:32

Jonathani, îthe mûnini wa mûthamaki Daudi aarî mûndû warî na ûûgî wa gûtaarana na mûndû warî mûthomu. Ke na Jehieli mûvîcî wa Hakimoni nîo maarî amenyereri a avîcî a mûthamaki.

1Sam 16:9

Vuva wa ûguo, Jesse akîrete Shama. Nake Samueli akiuga atîrî, “Wana ûyû tîke Ngai-Mûnene athuurîte.”

1Sam 17:10

Nake Mûfilisiti ûcio nîwaugire atîrî, “Ûmûnthî nînathithûkîra mbûtû ya mbaara ya Isiraeli. Thuurani mûndû ûmwe nîguo tûrûe nake!”

1Sam 17:3

Afilisiti nîmaarûngamire îgûrû rîa kîrîma mwena ûmwe, nao Aisiraeli makîrûngama îgûrû rîa kîrîma mwena ûcio wîngî. Vau gatagatî ka Afilisiti na Aisiraeli vaarî na Kîamnda.

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.