2Sam 20:9 - ÎVUKU RÎA ÛVORO MWARO

⁹ Nake Joabu nîwaûririe Amasa atîrî, “Ûrî mwaro mûrata wakwa?” Nîwacokire akînyita nderu cia Amasa na njara yake ya ûrîo nîguo amûmumunye.

2Sam 20:9 ပူးပေါင်းရင်းမြစ်များ

2Sam 15:5

Mûndû angîathiîcaga vakuvî nîguo enamîrîre mbere ya Abusalomu na gîtîîo, Abusalomu nîwatambûrûkagia njara, akamûnyita na akamûmumunya.

2Sam 17:25

Abusalomu nîwatuîte Amasa mûnene wa athigari vandûrî va Joabu Amasa aarî mûvîcî wa mûndû wetagwa Ithira ûrîa warî Mûishumaeli. Ng'ina wa Amasa aarî Abigaeli, mwarî wa Nahashu. Nahashu aarî mwarwang'ina na Zeruia. Nake Zeruia nîke warî ng'ina wa Joabu.

2Sam 18:29

Mûthamaki nîwaûririe Ahimaazi atîrî, “Mwanake ûrîa wîtagwa Abusalomu nwa mwaro?” Nake Ahimaazi nîwacokirie atîrî, “Mwathi wakwa, rîrîa Joabu andûmire, nîmonire kûrî na kîvîngîcî kînene mûno nwatî ndinamenya kîrarî Kîam ndûî.”

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Nthi 26:23

Ciugo mbaro ciarîtue nî mûndû ûtarî mwîvokeku, nîta ta sîlûva îvakîtwe nyûngûrî ya yûmba.

Nthi 27:6

Nîkava kûrutwa mavîtia nî mûrata wa ma, gûkîra kûmumunywa nî nthû rîrîa îrakûveenia.

Jeremia 41:2

Ishumaeli mûvîcî wa Nethania vamwe na andû arîa îkûmi, nîmaatharîkîre Gedalia mûvîcî wa Ahikamu na makîmûraga. Gedalia nîke wathuurîtwe nî mûthamaki wa Babuloni atuîke mûnene wa vûrûri ûcio.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Atir 3:15

Nwatî rîrîa Aisiraeli maarîrîre Ngai-Mûnene, Ngai-Mûnene nîwamatûmîre mûndû wetagwa Ehudi nîguo amavonokie. Ehudi aarî mûvîcî wa Gera, Mûbenjamini na aarî wa njara ya ûmotho. Andû a Isiraeli nîmaanenganîre iveo kûrî Ehudi nîguo avirîre Egiloni mûthamaki wa Moabu.